尋晚瞓得麻麻地…因為心裏面十五十六唔係好想開聯會，咩都未prepare好嘛~所以都瞓得唔好…另外瞓覺時仲要小腿抽筋添，好痛啊~

如常的星期日早上，去聖堂，難得的可以有咁晏瞓咁晏，去11:00am彌撒~

買份報紙，爸俾我呢個：

hee，扮tempo o既紙巾真係多不勝數呢，tengo、tinpo…呢包算有幾多成相似呢？

嫲番o黎屯門，所以番屋企食，點知佢原來唔sure我o地番o黎食唔敢煮飯住喎，結果出o左去飲茶，三聖間茶樓都算易搵位o既，但我唔鍾意呢D舊式茶樓呢要自己入去搵位﹗大家排一條隊有帶位小姐安排唔係更好咩？唔駛咁多skills又公平D嘛~好在人真係唔多，係爸泊好車同嫲佢o地行過o黎之前我已經坐低o左了~不嬲對呢間茶樓都有D偏見，覺得佢唔好食，但而家好似進步o左喎，我最愛o既咸水角都up to standard~第時都不妨再去o既~而且樣樣都超大碟，五個人居然食o左九碟點心就飽了？﹗平時我同day食係平均每人食三碟家嘛~

postpone o左個會，下晝free了，可以陪家姐出去買結婚的東東，我o地主要目的地去太子o既金都商場，其實呢間商場真係幾有特色，全間都係賣結婚用品喎~逛呀逛，我o地順利買到o左著婚紗o既鞋仔，著褂時著o既繡花紅鞋都買到了，另外去o左洋酒公司試酒，大家心水都好一致，揀好了~試紅酒試到我o地醉醺醺~下一站諗住行花園街，家姐帶我去睇D絲花，睇下o岩唔o岩用o黎佈置場地~

經過一個商場時見到「strawberry forever」，哇，不如食下午茶咯~我請﹗

家姐o既chocolate cake，好濃郁o既朱古力味呀~而且好滑，又有幾種質感，good~

我叫o左下午茶拼盤，實在太邪惡了﹗好得人驚呀~但好好味﹗特別係個格仔餅，仲係熱辣辣o架~

逛完花園街，行過去西九龍中心搭車番屋企了﹗

食完嫲飯，mi-mi-mo-mo之後就要執拾行裝番金風啦，冇錯﹗開學了﹗假期咁就完結啦~慘慘~因為surgery要超早番學，我唔願意都唔得，一定要早一晚番去瞓，否則嘛…五點幾起身﹗連我都接受唔到﹗

—————————————————————————————————————-

給blog友小姑娘點中了玩呢個遊戲~

我點以下BLOG友玩:1) day 2) 墨西 3) 小小學子 4) uHnsUi 5) catherine 

遊戲規則如下:

A.　必須點名至少8個人，要用盡辦法通知各人參與這個遊戲，人數不夠的話就少點，2個以上就行。
B.　被點名的人不可重複被點，每個人只可玩一次。
C.　回答問題當中時，需自行刪除一個不喜歡的問題，更換一個新的問題，然後點名其他人來玩…
如此延續這個遊戲。
D.　答案需在各自的blog內公佈。

現在開始答:

1.果30歲還嫁不出（娶不到）你會怎樣？呼天搶地…希望唔會吧，我本來想30歲前生B o架喎
2. 如果有機會可以讓你重回一個時間，你會選擇回到那個時間?  year 2時讀書讀得唔好，好想洗乾淨個底，但如果番到以前，咁之後讀得唔錯o既書又冇o左lu喎，好似唔係好化算咁
3.你希望在別人眼中是怎樣的人? 容易相處的，醒目的
4.如果唔駛返學/返工你會點呢? 哈，o岩o岩放完假，呢一刻冇咁渴求喎，不過唔駛番學最鍾意窩係屋企，有長D時間嘛，希望可以去下旅行
5.如果中500萬獎金，你會怎麼花? 買層樓，暫時收住租先，呢一刻唔算特別需要錢，不過要先捐一部份出去做善事，我怕橫財會招o黎橫禍﹗都要撥一部份o黎下年畢業時去旅行，又要撥一部份送份結婚厚禮俾將要結婚o既家姐
6.你最怕的事情？ 怕得番自己一個
7.你覺得邊件事係令你最難忘既？好多都好難忘o架喎，有D係幸福回憶，有D係甜蜜回憶，有D係尷尬回憶…
8.去過既地方中，最喜歡什麼地方？好多都好喜歡啊~好難揀一個「最」﹗o岩o岩去完o既沖繩都唔錯丫~
9.你能放下現在的生活，去鄉村或其他城市重新開始嗎？唔得呀，讀o左咁多年，就快畢業了，我一定要捱埋佢先
10.最愛的食物？飲湯
11.最愛的顏色？綠色吧？我自己都唔sure呢，靚的就ok了
12.最愛的休閒？親親大自然，去下山，去下海
13.當你遇見一個想結識的人會說什麼? 見機行事，為求達到目的
14.現在最想做的事? 瞓覺，聽朝要超早起身
15.最愛的口頭蟬?  冇錯~
16.最愛的小動作?  伸手抓面上o既暗瘡粉刺(不算是愛吧…而是不由自主…)
17.最憎的季節?  凍凍的冬天
18.最了解我的人?  day同家姐吧？
19.最愛的節日? 農曆新年，o岩晒鍾意熱鬧o既我
20.最想見的人? 我所喜愛o既band：zarahn，見到佢o地唔係代表有concert睇嗎？
21.愛的定義? 包容、體諒、關心、尊重
22.心中嘅目標？順順利利的畢o左業先算
23.愛我的人？我o既家人、day、好朋友們
24.最喜歡的地方？家
25.當你好沮喪的時候，你會選擇做D咩?  同我信任o既人吱喳
26: 最後悔做左邊件事呢? 應該溫書時偷o左懶，玩o左胡波波
27.你覺得最幸福的事係?同最愛o既家人朋友們相聚
28.想下一世變做男人定女人？繼續做女人
29.會害怕見牙醫嗎？怕啊，佢會審問你平時o既刷牙情況…
30.最尷尬的事是…？係安靜舒適o既環境之中發出異味，例如之前好困擾我o既係，著住一對令到腳臭o既鞋去圖書館…
31.和同性可以做一生一世o既好朋友嗎？我認為可以的，不過關係要適可而止
32.喜歡小朋友嗎？超喜歡啊
33.會彈琴嗎？識o既，不過好耐冇練過琴了，彈classical的話生疏晒啦
34.最討厭的食物是…？扮肉o既齋(食菜呀菇呀豆腐呀就好了，一扮肉or海鮮就好古怪)、內臟
35.愛甜定鹹的味道？好吃的就ok
36.平時有什麼嚐好？上網、睇漫畫小說、做gym gym、去旅行、睇電視、睇戲
37.如果世界末日，你會躲在哪裡？屋企

Comments

comments