意大利、克羅地亞、希臘海洋探險者號郵輪之旅．17-7-2024~31-7-2024．Milan – Italy、Bologna – Italy、Ravenna – Italy、Dubrovnik – Croatia、Athens – Greece、Santorini – Greece、Split – Croatia、Ravenna – Italy、Venice – Italy、Milan – Italy
21-7-2024：意大利克羅地亞希臘郵輪之旅day 5(part 1)．亞得里亞海的美麗早晨
21-7-2024：意大利克羅地亞希臘郵輪之旅day 5(part 2)．克羅地亞Dubrovnik上岸去、鴨仔團徒步逛古城
21-7-2024：意大利克羅地亞希臘郵輪之旅day 5(part 3)．Best of the Adriatic岸上一日遊之Konavoski Dvori傳統午餐
曉有樣嘢好，似爸爸去到邊可以隨時瞓到邊，四、五歲時星期日上晝返完教會，下晝要去學游水，中間唔夠時間返屋企瞓晏覺，我同佢隨便搵間cafe，抱住佢就咁就瞓，半個鐘又好一個鐘又好，叉一叉電就有力去游水～呢個優勢對去旅行好有用，特別係不受自己控制嘅跟團旅遊，上到旅遊巴馬上瞌一瞌，詩呢，通常都要嗌下「瞓唔着啊」一輪，都差唔多去到目的地先瞓着，叫醒佢就喊喇～
好在呢程由Dubrovnik古城去午餐地點嘅一段路，兩個都瞓到吓，恢復返少少體力，先可以高興地繼續之後嘅行程嘛～
閱讀全文郵輪公司提供嘅day tour有好多選擇，一場嚟到咁遠，我盡量揀啲行程豐富啲、時間長啲、多啲唔同體驗嘅tour～早喺book好個郵輪之後，郵輪公司就每個星期都send email俾你，promote各種船上收費項目嘅優惠，包括上岸tour、飲品plan、上網plan、船上收費活動例如指定時間滑浪等等，然後話呢個promotion最後幾多日，我開頭都以為「最後幾天」嗰啲係假嘅，後來留意住先發現越嚟越臨近登船，discount真係會越來越少，例如開頭係20% off，唔知幾時就會變成得返10% off，最嚴重嘅問題係，原來啲上岸day tour係真係會full㗎，我就係某一天發現，之前有啲興趣嘅一個tour滿咗額，先驚覺唔可以太悠閒，睇中咗就要book啦，如果唔係啲選擇會越來越少～
我結果book咗11:30出發嘅「Best of Adriatic」7小時tour～每一日嘅tour都係先係劇院集合，點名、攞飛、攞團號貼紙，然後就同團友按指示坐埋一齊，等叫團號，就成團一齊動身，一齊上岸搭旅遊巴～因為意大利、克羅地亞同希臘都係歐盟國家，所以唔需要做出入境手續，上岸你直情唔帶passport都得，唯獨一定要帶「船上面嘅身分證」sea pass，玩完一日登船都係認住佢啦，一嘟就可以對下個樣，睇下係咪本人～因為唔需要出入境，所以上落船好迅速，過往搭郵輪，每次上岸要辦出入境手續都幾花時間，但正正因為冇出入境，即使去咗三個國家，本passport都只有意大利嗰個印章囉～
上咗岸，一大堆旅遊巴已經等緊大家，記得唔好上錯車呀，我哋個導遊係一位優雅嘅花裙子女士，啲英文都好好聽，佢嘅講解聽到幾多就幾多啦，反正之後都會唔記得⋯^^”
古城牆
閱讀全文郵輪航行嘅第二日我哋就第一次上岸啦，船由意大利港口Ravenna大約下晝五點左右啟航，只需要一個晚上，就去到「對岸」嘅克羅地亞，意大利同克羅地亞中間嗰一片地中海，就叫做亞得里亞海Adriatic Sea~
去程我哋會係Dubrovnik上岸，而去完希臘返轉頭時，就會多停一站Split，老實講，除咗睇世界盃時知道紅白格仔球衣嘅係克羅地亞之外，我對呢個國家真係一無所知，而今次會揀呢條航線，一來我想去意大利，二來可以輕輕鬆鬆咁去多兩個未去過嘅國家，特別係好吸引人嘅希臘Santorini吧，反而出發前都冇乜點研究過克羅地亞~
八日七夜嘅cruise，四次上岸我都報咗day tour，其實係因為膽小如鼠~同曉詩佢哋搭校車返學嘅原理一樣，只要上到校車，即使塞車遲到，學校都唔會當你遲到~去cruise都一樣，最驚就係上咗岸夠鐘返唔切隻船，唔似得陸路上自己去玩，萬一慢咗咪搭下一班車囉，再唔係改住宿地點都唔係唔得丫，但miss咗隻船就要臨時自己諗辦法下一站join番隻船，可能涉及即時買機票，又要冇行李冇衫換，總之諗起都驚啦，所以都係join郵輪公司嘅官方tour穩陣啲，有啲保障嘛，有咩失預算都有人救我哋~今個trip買機票好平，book郵輪都唔算貴，酒店都還好(係威尼斯嗰兩晚肉赤啲)，但上岸day tour真係非—-常—-貴—-﹗﹗有少少後悔自己冇做足功課，其實雅典個port旁邊就係地鐵站，要自己周圍去都唔係mission impossible，Split上岸一行出去已經係city，單靠步行都去到好多地方~當然，啲tour都安排得好嘅，起碼旅遊巴舒適，食物又好味，最唔好就係貴囉~(x__x)
Dubrovnik個tour相對比較晏出發，加上未完全適應時差，其實有進步啦，起碼六字頭先起身，我哋可以悠閒歎早餐先去集合~
美麗嘅亞得里亞海，good morning~我同曉伏係窗邊欣賞咗個海好耐，爸爸有影到我哋，但未梳頭太樣衰，張相都係留哋自己珍藏好啦~係咪詩詩適應時差適應得最好呢，定係純粹最爛瞓？我哋三個早早起咗身…
閱讀全文