郵輪航行嘅第二日我哋就第一次上岸啦，船由意大利港口Ravenna大約下晝五點左右啟航，只需要一個晚上，就去到「對岸」嘅克羅地亞，意大利同克羅地亞中間嗰一片地中海，就叫做亞得里亞海Adriatic Sea~
去程我哋會係Dubrovnik上岸，而去完希臘返轉頭時，就會多停一站Split，老實講，除咗睇世界盃時知道紅白格仔球衣嘅係克羅地亞之外，我對呢個國家真係一無所知，而今次會揀呢條航線，一來我想去意大利，二來可以輕輕鬆鬆咁去多兩個未去過嘅國家，特別係好吸引人嘅希臘Santorini吧，反而出發前都冇乜點研究過克羅地亞~
八日七夜嘅cruise，四次上岸我都報咗day tour，其實係因為膽小如鼠~同曉詩佢哋搭校車返學嘅原理一樣，只要上到校車，即使塞車遲到，學校都唔會當你遲到~去cruise都一樣，最驚就係上咗岸夠鐘返唔切隻船，唔似得陸路上自己去玩，萬一慢咗咪搭下一班車囉，再唔係改住宿地點都唔係唔得丫，但miss咗隻船就要臨時自己諗辦法下一站join番隻船，可能涉及即時買機票，又要冇行李冇衫換，總之諗起都驚啦，所以都係join郵輪公司嘅官方tour穩陣啲，有啲保障嘛，有咩失預算都有人救我哋~今個trip買機票好平，book郵輪都唔算貴，酒店都還好(係威尼斯嗰兩晚肉赤啲)，但上岸day tour真係非—-常—-貴—-﹗﹗有少少後悔自己冇做足功課，其實雅典個port旁邊就係地鐵站，要自己周圍去都唔係mission impossible，Split上岸一行出去已經係city，單靠步行都去到好多地方~當然，啲tour都安排得好嘅，起碼旅遊巴舒適，食物又好味，最唔好就係貴囉~(x__x)
Dubrovnik個tour相對比較晏出發，加上未完全適應時差，其實有進步啦，起碼六字頭先起身，我哋可以悠閒歎早餐先去集合~
美麗嘅亞得里亞海，good morning~我同曉伏係窗邊欣賞咗個海好耐，爸爸有影到我哋，但未梳頭太樣衰，張相都係留哋自己珍藏好啦~係咪詩詩適應時差適應得最好呢，定係純粹最爛瞓？我哋三個早早起咗身…
得佢一個仲瞓緊…
時間尚早，爸曉早決定出去逛逛，我就留守係度睇住隻詩，佢一起身唔見我一定會大喊特喊~
兩父女去拍拖
咁早連呢啲精選位都冇人爭~
真係爸爸先影到佢呢個表情，果然係前世情人~
時間比較多，我哋決定去主餐廳食早餐，因為太早，仲未開門，咁不如去自助餐廳食少少嘢頂住檔先啦~
控制住，食好少好啦，我哋只係拎咗啲啲煙三文魚同埋啲啲牛油果醬，就收手啦~
行去自助餐廳嘅必經之路，後來我哋經過呢條路應該有好幾十次~
blublublu~好心情~
去到主餐廳，我哋係第一批次客人排住隊等開門，所以我哋都有得坐窗口海景位用餐呀~
少少背光添，不如淨係影我啦~
我個碗食完嘅係咩？
又係佢﹗Rainbow Salad~
主餐廳早餐同晚餐差不多，都係a la carte咁點餐，鍾意叫幾多都得，不過如果想後來追加會等得耐，所以都係要一早決定好叫咩先得，第一次叫唔知size如何，我哋叫咗三份嚟share~
French toast
自選蛋+兩個sides
奄列
侍應再一次好奇怪啲小朋友唔叫muffin之類嘅鬼仔鬼妹favourite，umum…佢哋鍾意呢啲「茶餐廳嘢」多啲~原來bakery都係要自己order，唔會跟份蛋上，所以要諗諗自己想要pastry定toast定butter roll之類~
有個小朋友，唔飲熟悉嘅蘋果汁、橙汁，居然好好奇想試西梅汁，之後有一日兩個女叫咗V8蔬菜汁，再一次令waiter waitress們大跌眼鏡~
主餐廳叫咗Sapphire Dining Room~
未夠鐘出發，先做好準備~
點解表情咁搞鬼，因為有音樂，聞歌起舞囉~
仲有少少時間歎番陣~
見到船外嘅風景，開始有少少小島，慢慢啲小島開始有屋、有人居住嘅感覺，感覺就快要泊岸了~
到啦到啦﹗泊岸了﹗
原來Dubrovnik係一個清一色橙色屋頂、米色磚牆嘅小城市，好靚呀~
期待中~
出動出動﹗
登登登登﹗我哋隻船係Explorer of the Seas，今日會停靠克羅地亞嘅Dubrovnik，溫度係正舒適嘅26度，大家可以參考船上各種活動嘅時間表呀~
gogogo，我哋上岸去也~
前往其他郵輪旅遊blog
前往其他克羅地亞旅遊blog