由Santorini再次搭接駁船返郵輪之後，我哋今個旅程要同希臘講再見啦，下一次唔知隔幾多年先再訪希臘lu～下一站停泊嘅港口係克羅地亞嘅Split，由Santorini去需要一整日嘅cruising，所以，旅程嘅day 9，即郵輪嘅day 5，會全日喺海上，享用郵輪設施，～

返上房，發現有張咁嘅嘢⋯

睇嚟係房務員見到我哋洗咗衫，掛到成房都係，好心提醒郵輪有洗衣服務～今次旅行去得長，我哋都預咗一定要洗衫，特地喺淘寶淘咗條晾衫繩，同埋旅行裝洗衣液，去兩個星期，總冇可能帶13條底褲去吧！有睇開我旅行blog嘅朋友都知道，我經常會喺旅行中洗衫，不過多數都係用自助洗衣，人生之中有交比酒店逐件計嚟洗衫，恐怕只有去印度嗰陣，大學畢業嗰年，同同學去印度交流+旅行七個半星期，自己手洗衫係每日例行公事，嗰陣會交長褲、牛仔褲嗰啲自己唔容易洗嘅衫俾酒店幫我哋洗，2008年嘅物價，類似係Rs15一條褲左右～今次喺郵輪，我唔會捨得花錢俾人洗衫㗎啦，你容許我哋繼續掛到成房都係啦～

和希臘說再見

我哋連岸都冇上過就要走了…

郵輪公司提醒我哋有時差，唔係真係time travel咁誇張~

照舊去主餐廳食晚餐~

而家知道通常等食物要等耐啲，可以摺住紙嚟等~

仲有可以畫住圖畫遊記嚟等~

湯嚟啦~

多次encore嘅凍蝦，我哋尋日去完教會去薩莉亞都叫咗凍蝦呀~

仲有多一款前菜

牛扒

魚柳

呢個可能係素菜米粒麵之類？太耐唔記得lu~

點解要呢個動作？

yummy yummy奶凍

之後當然係去睇show啦~

前往其他郵輪旅遊blog

前往其他希臘旅遊blog

嚟到十日行程嘅最後一日啦，因為搭下晝三點嘅飛機，只有上午少少嘅時間可以活動，有諗過一朝早衝去首爾站附近嘅汗蒸幕(請參閱：26-7-2014：加州婚禮+夏威夷day 1(part 1)．Silloam Sauna＠서울)沖個靚涼，再搭Arex去機場~我哋去韓國時室內仲係要戴口罩，戴住口罩喺汗蒸幕一啲都唔relax，所以決定唔去了~另一方面，因為雖然嚟咗十日咁耐，但基本要買嘅手信都完全未買，我哋用一朝嘅時間去採買啦~市區嘅大型百貨超市都要十點先開，買完再返酒店拎行李再去機場又好似好趕，上網搵下機場附近有冇shopping嘅地方，原來由機場搭站站停嘅機鐵，三個站距離嘅雲西站，有一間大型樂天超市，仲可以即時退稅，係大家臨走買手信嘅好地方，ok，gogogo~

另一方面，我哋出發時原本返港係機場+ day 2要做核酸，但啱啱改咗policy，變成抵港前要做快測，result自己keep，咁我哋就要拿拿聲買快測棒啦，睇下酒店附近邊度有得賣啦~

點都好，要食咗嘢先~

尋日向景福宮方向行搵咗間cafe食早餐(請參閱：30-12-2022：首爾江原道冬日滑雪行day 9(part 1)．韓服美女與最強侍從遊景福宮)， 閱讀全文 →

今日行程豐富，點解溜冰嗰節明明已經開始咗，都要買飛而唔等下一節呢？因為我哋買咗5:00pm嘅門票，準備欣賞The Painters塗鴉秀，時間好趕呀~由首爾廣場前往睇show嘅劇場無論地鐵定巴士都唔太方便，行路過去係遠就遠啲，但都係一條大直路，打算中途坐低飲啲嘢，啲小朋友應該都頂得住啩？

路上見到呢啲著咗冷衫嘅樣樹﹗﹗大家都好高興，因為織得好靚， 閱讀全文 →

返去3355韓服店換好衫之後，我哋首先要填飽肚子，之前家姐都有提過，佢之前食過好一正嘅餃子店就喺景福宮附近，有意一齊去食下，我當時其實真係一般般，一來凍咗好耐想食啲熱辣辣嘅嘢例如熱湯之類，二來有啲怕去啲名店要等位等好耐，所以路上見到有其他餐廳都想「不如食呢間算數啦」嘅念頭~詩詩基本上由3355行出嚟時已經好唔掂，我抱佢行咗冇幾多步就瞓著咗，既然家姐佢哋咁想去食，人哋又真係米芝蓮推介，仲要喺正附近，冇理由死都唔一齊去食咁衰嘛~

就係呢間黃生家刀削麵了，見到條隊果然嚇死人，冇得攞飛，真係要排， 閱讀全文 →

之前見啲朋友著韓服影靚相好羨慕，所以今次去韓國好早就plan咗要著韓服遊景福宮，因為家姐對呢個行程都好有興趣，所以就放喺後段佢哋join咗之後一齊去~不過我哋剛剛到韓國頭嗰幾日天氣好凍，都有諗過可能要取消，因為著住薄薄嘅韓服戶外活動可能唔太work，後來暖咗少少，叫做日間有啲正數嘅度數，例如零度、一度之類，應該頂得住，所以先一晚先落實租韓服嘅店家~

因為大家住唔同嘅酒店，所以約好家姐佢哋直接喺韓服出租店嗰度會合，我哋先去食早餐先~

我哋住嘅仁寺洞Nine Tree同景福宮係步行距離，可以慢慢輕鬆出門~ 閱讀全文 →