再落車之後，我哋嚟到Santorini嘅旅遊小鎮Oia，就係經典嘅藍白小屋小鎮，我見到啲藍白小屋就有少少瘋狂了，覺得要影好多相同埋要買手信~
暑假正值旅遊旺季，Oia嘅旅客非常多﹗﹗周圍都人頭湧湧﹗有可能影得到見唔到其他人嘅靚相嗎？
導遊向大家交待午餐嘅地點同時間，跟住就自由活動了~我哋係一間紀念品店大豐收，其中每日都用緊嘅四隻瓷杯就係呢度買啦，大家都係Santorini嘅風景漫畫版，但四隻杯都唔一樣架，我同爸係大size，我係普通景色，爸係黃昏景色，曉同詩係細size，曉係白色底色，詩係藍色底色，四隻杯早餐用正好~另外又買咗披肩俾嫲嫲同婆婆，仲有啲其他嘢，唔記得啲咩了~
行下影下相，慢慢散步至午餐地點Skala~
廣場中央的聖堂
曬~
百看不厭嘅地中海與陽光
唔該晒幫我哋影一家四口合照嘅人呀~
郵輪本身唔貴，但official上岸trip價錢就好貴，我諗其中一個原因係伙食好好，仲餐餐包酒精飲品~除咗尋日雅典自己出街食嗰餐之外，今日嘅呢一餐都係整個trip之中其中一餐最好味嘅，令我覺得希臘啲嘢食好好味~
環境好舒服，半露天餐廳，自家人一枱，輕鬆寫意~
原來呢間餐廳同我一樣大呢~
又係冇招紙嘅白酒﹗﹗曉今次係咁喝住我叫我唔好飲咁多，知啦知啦，之後仲有地方去，我唔會飲醉啦~
cheers~
麵包都有唔同款式
又係相當闊綽地俾啲芝士客人食~係咪得香港啲芝士賣得咁貴呢？
可能因為天氣熱，都多口味酸酸嘅食物，呢個應該係似乳酪青瓜之類嘅前菜~
批
普通嘅烤肉反而唔算特別出色
努力切呀切
呢個豆蓉都好特別，係平時食唔到嘅菜式
海邊當然係魚好過肉啦
果仁酥之類嘅甜品
好滿足嘅一餐~
食飽飽可以再周圍影下相~
標誌性嘅藍白配色，好似當地政府要maintain呢個絕美顏色每年都花費好多人力物力~
自拍，yeah~
到咗集合時間，我哋上番旅遊巴，再去埋另一個觀光小鎮Thira~打blog呢一刻其實我有少少混淆，究竟我哋先去嘅係Oia定Thira呢？
Google AI咁寫：
Oia：定位奢華、浪漫、極致美學；特色以藍頂教堂、精緻的洞穴屋和「世界最美日落」聞名。這裡的高級精品店和藝廊較多，整體氛圍較為安靜優雅。
Thira：定位熱鬧、便利、充滿活力；作為首府，這裡是島上的商業與娛樂中心。紀念品店、餐廳、酒吧林立，夜生活比Oia豐富得多。
如果咁樣用文字分辨，印象又好似真係如此bor~不過我哋去兩個地方都係太陽正正係頭頂嘅時間，日落同夜生活都未有機會感受到~
Thira嘅店感覺確實係比較平民~
可口可樂實在太了解大家了，呢一刻係呢個位置賣呢個廣告，點可能唔心動？
熱到咁，轉頭就買咗啦~
建築物嘅影子係大家嘅好朋友
當然仲有樹蔭啦~
Santorini驢仔
係露天廣場舉行電影欣賞會，好歎bor~夜晚應該冇咁熱了~
連廁所都係小白屋
我哋係Thira嘅超市買咗啲凍飲同啤酒上郵輪，凍飲佢俾我哋帶返房，啤酒就要留低係security，到落船時可以領取，應該係要保障船公司賣酒嘅收入吧~
個day tour由早上七點幾玩到傍晚四點幾，足足九個鐘，大人細路都筋疲力盡啦~返房回一回氣先再去食飯睇show~
前往其他郵輪旅遊blog
前往其他希臘旅遊blog
