旅程嘅day 7，係cruise嘅day 4，嚟到第二個port——希臘雅典，我哋呢一日都join咗郵輪公司嘅shore excursion，參加雅典衛城半日遊～本來打算參加full day嘅tour㗎，不過心大心細，冇及早預約，後來full咗，結果選擇少咗，但係錯有錯着，就係因為有剩低落嚟嘅自由時間，我哋先有機會，食到15天裏面印象最深刻，最好味嘅一餐～
海上的晨光第一線
船泊進港口時，天仲未光呢~三兔同Good快已經起咗身lu~
出發前朋友小古話我聽，希臘夏天可以好熱，如果天氣太熱，戶外景點，包括衛城，為咗保障職員同遊客嘅健康同安全，會close㗎～可能因為呢個原因，我哋個half day tour，先至由下午出發，改咗做上午出發掛？
為配合好早出發嘅岸上觀光，今日，郵輪上嘅自助餐廳提早開放，俾大家食飽早餐先出發去玩～
提早開放嘅自助餐廳
因為郵輪上面煙三文魚上面嗰粒酸豆，為三文魚bagel畫龍點睛，我返到香港都買咗一樽酸豆~
食完早餐，照舊去劇院集合，齊人就可以落船，按自己旅行團嘅編號上旅遊巴～
郵輪航行嘅三個國家都係歐盟，所以上落船非常方便，主要係船嘅出入紀錄同埋security check，唔需要過immigration~
準備出發﹗
剛剛揀相放入blog時，見到呢張相笑咗出嚟，因為爸爸醒住影我哋三個瞓覺好罕見，通常都係我影佢哋瞓嘛~爸話，因為呢程車都幾長，所以有時佢瞓有時我瞓~
今日去參觀雅典衛城，導遊嘅講解，涉及好多古希臘歷史文化，對於我哋兩個理科人嚟講太深奧了，聽咗都水過鴨背，打blog呢一刻隔咗大半年，而家冇乜嘢剩低落嚟lu～唯一記得講過嘅係，運動牌子Nike，原來Nike呢個字係嚟自希臘文，意思係勝利～
應該係路上經過某個重要嘅建築，我先會影低落嚟，有冇人可以話我聽係乜？
落車﹗兩個未瞓醒咁嘅樣~
雅典衛城稍稍遠離現代化嘅城市，不過好明顯係現今嘅一個重要景點，停車場好大，人好多，導遊一再吩咐我哋要跟實，跟失咗就幾點幾點鐘去邊度等吧，中途唔等得咁多了～
團費已包含門票
一艘郵輪有好多個團，大家要認實邊間郵輪公司嘅幾多號number~
跟住人群向上行
對於雅典衛城嘅印象，一言以蔽之—-熱！！！即使戴晒帽，都敵不過猛烈嘅陽光，曉、詩都被陽光嘅熱力擊倒，冇晒心機，影相都係略略配合，笑容少咗多多包涵～晒到燶晒，所以返到香港，個個都好驚訝我哋幾個皮膚黑咗咁多～
古代嘅集會場地
到我哋兩個~
登高望遠
登山去
人呀人呀人呀人呀人~所以今次去完之後，我都有同我爸媽講，想去一次都最好趁呢幾年去，如果再老啲時去都辛苦~
表情暫時未太糟糕
宏偉建築
好在著得夠清涼~
爸曉組
以前讀西史應該有講過呢啲神殿吧~
以前啲人唔知點樣運啲大石頭上嚟~
熱樣
熱樣2
熱樣3
爸爸冇事喎，果然爸爸最適合陪我火裡火裡去，水裡水裡去~
辛苦你哋了~
烈日當空
重新出現笑容，已經係落返山，去樹蔭底下休息嘅時候了！
最緊要加埋凍飲，即刻復活過來！
有番氣力，可以陪媽媽去行紀念品店啦～
落番地面，終於有啲少人啲嘅地方~
呢間店係我哋導遊介紹，我淨係知道冷氣好涼，yeah~
前往其他郵輪旅遊blog
前往其他希臘旅遊blog