點解要去Bologna？一來Bologna係由米蘭去上郵輪嘅Ravenna嘅必經之地，二來我search有關親子嘅行程時，Gelato Museum嘅出現令我一定要去Bologna一趟~我早係幾個月之前就book好咗一個半鐘頭嘅Gelato for Families體驗，因為個網站設計麻麻地，submit完張form冇確認e-mail俾番你之餘，又冇叫你俾錢，仲馬上彈番出去主頁，成唔成功book到都唔知，搞到我又用意大利版網頁submit多一次，原來係出發前冇耐先send e-mail嚟提醒你出席~
我哋食完嘢，急步行番去火車站，差唔多到之前幾百米，我拖住曉半跑半行快快脆脆行前啲先，因為忽然記起，意大利搭巴士係要買定飛架﹗我哋趕入去火車站嘅香煙店買好巴士車飛，出番去之前搵到嘅87號巴士站~唔知點解硬係覺得唔太放心，再Google Map多一次，咦，顯示出嚟，個站真係唔係嗰個位喎，跟Google Map去到個87站牌，今次有時間表貼係度了，今次冇錯啦，唔會錯過班車啦~
可能成個Bologna只有我哋開遮遮太陽…
我好想小朋友再眠一眠，無奈巴士比較熱，張櫈啲絨絨質地又有啲拮大脾，都花咗多啲時間先瞓到，我又係打醒十二分精神睇住幾時落車，因為都遠遠地呀要半個鐘以上~
瞓一陣係好事﹗
成功落車﹗
抵達Carpigiani Gelato University，個名幾勁﹗
未開始已經有影相位~
連廁所標誌都係gelato~
都幾多人參加啲tour喎，除咗參加Gelato for Families嘅另一個家庭之外，仲有更多人係參加Taste Gelato History，大家一齊跟Francesca老師參觀博物館，跟住就分開兩組，Taste Gelato History嘅各位就拎住試食券去食雪糕，我哋Gelato for Families嘅兩個家庭就親手做~
雪糕嘅前身，早係古文明時代已經有，人類將雪由山上面運落地面，再撈落去蜜糖或果汁，就係最早期嘅凍甜品~後來有gelato嘅出現，係因為皇后嘅命令，我專登為咗打blog…
搵番呢位Caterina de’Medici(英文為Catherine de’Medici)嘅Wiki，原來佢係意大利人貴族，嫁咗去法國做皇后，後來年幼嘅仔相繼做咗國王之後佢就有份掌權，Francesca有講佢曾經係「歐洲最有影響力嘅女人」，Wiki冇講佢關於gelato嘅事跡，似乎佢最有影響力嗰部份，應該係帶領穿著潮流，叫歐洲女人著咗胸衣350年吧~
早期嘅gelato要用人手不停攪拌，生產力好低，後來雪糕機被發明出嚟，再一代又一代咁改良，以前要幾個鐘先生產到少量嘅雪糕，而家幾分鐘就可以整到出嚟啦~
手動雪糕機
現代雪糕機
除咗雪糕機，仲有古代雪糕筒機，可以拉一拉個把手，就自動跌啲烘好嘅cone落去鐵盒度儲存，保持雪糕筒香脆~
有關Gelato外表與口味嘅問答遊戲
guided tour結束後，兩組人就分道揚鏕了，我哋兩個家庭繼續跟住Francesca老師，學習落手整sorbet~
先排排坐聽理論，原來水果分成strong fruits、weak fruits，整雪葩時用嘅水果比例各有不同，又學下糖又要點計算~
之後大家就著好廚師裝開工，爸爸同最細力嘅詩一組，我同曉一組，大碗裡面有雪同鹽，細碗裡面就有果蓉、糖同水，我哋要做嘅就係出盡全力開turbo攪攪攪~
可愛小廚「詩」~
出盡力…但…
Francesca見我同曉都唔太掂，幫手攪幾下即刻似樣啲~
最重要當然係…試味啦﹗再試，再試多次﹗
我哋用人力整雪葩嘅時候，Francesca已經啟動咗雪糕機，幾分鐘後就有新鮮雪糕食啦~
yeah~
比起牛奶味gelato，兩個小朋友更鍾意桃子味雪葩~
雖然唔算得咩成就，但個活動為我哋準備咗證書，好似好勁咁~
呢度就係Bologna嘅Gelato Museum啦~
兩位Carpigiani嘅創辦人
活動結束，發現走咗一班巴士，下一班又要半個鐘後，我哋去咗雪糕博物館嘅雪糕店坐一陣，咁點都要幫襯嘅，我哋之前只試咗牛奶味，即使飽飽地我哋都買咗三款味道嘅雪糕杯~
有西瓜味、乳酪味同芒果味，我最鍾意乳酪味，最fresh~
仲食？要上巴士啦~
Carpigiani Gelato Museum網站：
https://www.gelatomuseum.com/en
待續
前往其他歐洲旅遊blog
前往其他郵輪旅遊blog
前往其他意大利旅遊blog