今次cruise會上四次岸，兩次克羅地亞，兩次希臘，克羅地亞往希臘嘅距離比較遠，往返都有一整日嘅航行時間，呢啲時候就係好好享用郵輪設施嘅時間啦！
難得唔使早起，當然係瞓到自然醒啦，umum⋯明明話想瞓耐啲瞓到自然醒，點解六點幾就醒咗嘅？
詩係我哋咁多個之中，適應時差適應得最好嘅人，得佢一個瞓到晏啲～
最近努力跑步嘅我，知道郵輪甲板有跑步track，專登帶咗跑步衫，睇吓幾時有機會練下跑！
趁詩未起身，我同曉去咗自助餐廳食咗第一次非常非常細嘅早餐，就去跑步喇！
曉好快放棄咗跑啦，我話，我跑時你行啦，後來佢連行都唔想，我就叫佢做我攝影師，幫我影相～
Hi~曉~後面嗰位好認真，仲帶埋心律帶bor~
地下有少少濕，要小心跑~
因為我一邊跑時架船繼續航行緊，所以我呢次跑步變得「好可疑」，16:48居然跑咗9.62km，好似車咁快﹗哈哈哈，仲要係個海度移動~
不過我都冇跑好耐咋，個圈太細，人太多，太陽出嚟越嚟越熱，又諗，詩可能差不多起身，我哋就返房搵返佢哋兩父女～
食多一次早餐，就開始今日嘅第一個重點項目，就係去泳池游水啦！
今日一整天cruising，聽日就去到希臘啦~
發現電梯會顯示星期幾﹗可能有啲cruise坐得太耐會忘記咗日子，提醒下你~
比起游，其實係嘆居多，個池好細，腳一伸都差唔多到對岸，不過好深水，兩個小朋友腳都唔太到地，所以郵輪提供咗各種size嘅救生衣，比大家着嚟浮下～泳池水都好凍，游住就ok，停低落嚟會凍，所以大家都好鍾意有暖水嘅按摩池～
開心玩玩水
明明曉游水游得好叻都要著救生衣~^^”總冇可能一直游或者踩水嘛~
爸爸視覺
mommy and girls~
美少女x2
歎下按摩池
咁舒服，唔怪得之啲人由朝泡到黑~
sweet~
鬧哄哄
游到差不多夠皮，我哋就返房沖涼換衫～
午餐前，我哋仲玩咗一陣乒乓波~
不過啲球拍同波嘅狀態都麻麻地，玩咗一陣就冇玩喇～
又打咗一陣mini golf～
我哋四人之中嘅二號種子~
差不多入啦bor~
乜原來你哋都出咗嚟呀？
今日午餐我哋去咗主餐廳度食，因為上岸嘅日子出咗去，係主餐廳食lunch嘅機會唔多架~
沙律
和沙律
湯
risotto
西式松子魚
burger
我哋繼續採取全share嘅食法，可以試到好多口味，yeah~
oops，食咗先記得影相，果然唔係做史官嘅料~
前往其他郵輪旅遊blog