團嘅最後一站去一個海邊度假小鎮Cavtat，旅遊巴由山路轉落去海邊時，心情就變得暢快了~
美麗的小鎮
找亮點
落車之後，導遊先帶我哋徒步走一圈，講好集合時間地點，先俾時間我哋自由活動~自由活動第一站，又係要搵廁所了(唉)~
記得落車附近見過有個收費公廁，就去嗰度啦…每位1歐﹗點知…居然維修冇開門﹗
oh no~點算？
搵間cafe幫襯借個廁所唔係唔得，但啱啱食到咁飽，仲要咁勉強？有冇其他廁所呀？Google Map查一查，見到有個標示廁所嘅地方，要上一條長樓梯，就由媽媽我探路去啦，上到去，點解係民宅嚟嘅？﹗完全冇廁所嘅感覺~
落番去海邊，呀，租沙灘椅賣汽水小食嘅攤檔有廁所呀﹗鎖咗門要幫襯先有得借鎖匙~我同個老闆講去完廁所出嚟買啲嘢，佢仲有少少質疑咁，你哋真係會買？唔同急住尿都要食埋個雪糕先去咩？定係為咗要去廁所專登買啲唔需要嘅嘢呢？﹗真係嬲嬲地~
食得有點無奈的雪糕~
好在佢哋暢快地享用咗權利，而家可以好好享受汽水同雪糕啦~
請埋你食啦~
anyway，解決咗生理需要，我哋終於可以享受一下Cavtat了~
雪糕檔嗰個area其實幾舒服，如果係Cavtat住一晚可以享受一個下午~
海邊環境好舒服，係一個小小的度假小鎮，停泊咗啲遊艇，如果有多啲時間，可以坐船去island hopping(啱啱隨便上網search一下，有60歐一位嘅一天跳島遊包午餐酒水，都唔錯bor~)~我哋只夠時間隨便行下影下相~
海入面有劃開一格格做「球場」，可以玩水球呢~
玩咗一陣公園~
只要同香港嘅有唔同就好玩了~
而且香港玩親鞦韆都大排長龍，呢度冇人爭，正﹗
哇，修道院入面嘅古典樂音樂會，好似好有氣氛咁喎~
我強烈要求下去咗行咗幾間鋪頭，爸爸應該見我有啲因為時間太少而有啲炆憎，買咗小飾物俾我哋三個女人，我同曉揀咗手鍊，詩手仔太細唔啱戴，揀咗隻戒指仔，心情即刻好好多~事情總唔會一帆風順，曉嗰條鍊唔知點解咁唔生性，上咗旅遊巴之後居然斷咗~我都唔記得執唔執得番晒啲珠珠了~
路經一間超市，第一次見到淺黃色嘅甜椒~
Cavtat係今日個day tour嘅最後一站了，之後就返上船啦，我哋出咗去咁多個鐘都筋疲力盡了~
返到「屋企」啦，兩個冇晒電…^^”
返到房見到房務員為我哋準備嘅驚喜towel art，精神為之一振~
咁攰需要睇下電視放下空，叉番啲電~
暫別克羅地亞，我哋過幾日再嚟﹗
恢復精力(少少)~
我哋唔想錯過郵輪夜晚嘅show，所以今晚去咗自助餐廳食晚餐，時間可以自由啲~係咪太攰呢，我同爸爸兩個居然都一張晚飯相都冇影過~
預備開show~
郵輪上每晚都有節目表演，今晚係百老匯式歌舞show，男女歌手、dancer充滿熱情地演出，歌舞當然一流啦，更令人讚歎嘅係，服裝、場景都可以不停轉換，真正嘅目不暇給~其中我最鍾意睇嘅一位舞者，同曉一樣都叫Regina呀，更加有親切感~
每晚都會著靚衫登場嘅MC係郵輪嘅cruise director，打blog呢一刻係2025年3月，集合咗我哋四人嘅力量都記唔起佢叫咩名，坐cruise期間曉詩好鍾意學佢「It’s—————-show time!」嘅語氣~
歐洲夏天好似天黑，今次真係好難得先見到黑咗嘅夜晚，一般天都未黑佢哋就要瞓覺啦嘛，下一站上岸已經去到希臘，所以聽日係cruising，即是整天係海上航行，唔駛早起，夜瞓少少都得~少少好啦~
前往其他郵輪旅遊blog
前往其他克羅地亞旅遊blog