落船嘅早上要早少少起身，早餐過後就分批離船了~
天未光，郵輪就返到意大利嘅Ravenna港口了~
留低準備好嘅tips同埋小小感謝信係房~
給我們的專屬侍應生
給我們的房務員
我哋住咗七晚嘅3566號艙房~
搭過無數次嘅電梯
我哋上船嗰日，由火車站過郵輪碼頭嗰程，迫咗巴士、慳咗錢，但真係好不容易先成功~今次由荒蕪嘅郵輪碼頭，拎住大行李，都係唔好靠充滿不確定因素嘅巴士了，忍痛book咗郵輪公司嘅shuttle出去火車站，價錢大約係巴士嘅5-6倍吧~大件行李可以俾郵輪公司幫我哋搬落船，背囊同手提行李袋就要自己拎啦~
準備好，可以隨時行得，玩陣「2遊戲」(即係鋤大D)等call我哋個編號~
大家陸續上岸~
我訂咗Ravenna 10:40嘅火車前往Ferrara，中午左右到Ferrara，中間有42分鐘時間，再轉乘另一班火車前往威尼斯嘅Santa Lucia站，一心諗住係郵輪食咗大早餐，可以中間嗰段轉車時間買啲三文治、飽點之類上車食，完美計劃呀~
火車上各自各精彩~
大包小包等轉車
點知意大利火車delay嘅嘢真係冇情講，結果嘛，中間嘅轉車時間變成近乎零，係就係成功如原定時間抵達威尼斯嘅，但我哋路上要靠乾糧充饑囉，有本身香港帶嚟嘅零食，仲有啲本身諗住做手信嘅餅乾，全部開晒出嚟食，個個都餓到手軟腳軟+少少hangry(主要係曉同我吧)，好想快啲去酒店放低啲嘢去食嘢呀~
開頭係「零食」
後來要開手信嚟充饑，真慘~
好肚餓，幾時落得車？
終於到咗威尼斯嘅Santa Lucia站啦﹗﹗gogogo~
水都威尼斯
講起威尼斯嘅酒店，我都揀咗好耐，因為係超級旅遊區+超級旺季，酒店係好多，要一間房有四個床位，當然有少少limitation啦，價錢亦好variable，平嘅唔見得好平，但貴嘅真係天價咁貴~有時book酒店啲相係「照騙」，影出嚟嘅樣好靚，但同啲客人嘅comment唔一致，都唔知信邊樣好~我選擇嘅Hotel Villa Rosa，係balance晒所有parameters之後嘅結論囉，距離火車站比較近(因為好多旅遊資訊都提醒大家，威尼斯嘅石板街道好難拖喼)，可以步行前往，間房可以瞓到四個人，但啲相睇落好似有少少殘，陳設比較古老，唔太明亮，雖然如此，但價錢已經頗貴，我都唔敢太期待…
巷子裡的Hotel Villa Rosa
估唔到去到Hotel Villa Rosa又幾好喎，係就係位於小巷子裡面，不過由好熱鬧嘅大街行入去只係好短路程，未至於會覺得驚，而且外面又有超市又有餐廳，超方便~
上到房都乾淨企理，仲可以開窗添，對於之後要晾一晾衫都好有幫助~當時仲有一樣未知嘅，就係早餐都幾好味添呀~
我哋幾個超肚餓，放低啲行李就快快出去食個late lunch吧~
待續
前往其他郵輪旅遊blog
前往其他意大利旅遊blog