希臘我哋會停兩個港口，雅典同埋Santorini，Santorini算係我夢寐以求嘅其中一個旅行目的地，所以我好期待呀~有別於其他港口，郵輪唔可以直接停泊Santorini岸邊，所有郵輪都要停係附近海域，旅客再搭接駁船上岸~我哋join咗day tour，所以照舊係劇院集合等候出發~大概係食相同嘅自助早餐食得太多次了，我同老公都不約而同冇影任何相~
其實Santorini睇落個樣都好奇怪，沿岸光禿禿的，然後山坡非常陡，車輛要行之字形嘅路上山，舉高咗嘅土地先係城鎮同草披，究竟以前啲人係點樣決定要係度生活呢？定係後來地形變動先慢慢變成而家個樣呢？如果你join郵輪tour，交通當然會安排好晒啦~如果選擇搭接駁船，上岸就要想辦法上山上面嘅城鎮，郵輪方面都有得買純交通方案，安排埋旅遊巴車到出到去城鎮~郵輪公司唔建議嘅係大家坐接駁船上咗島，自己再僱用當地人騎驢上山喎，話怕意外呀危險呀嗰啲~如果係你又會點選擇呢？
喺接駁船我哋揀咗露天座位，咁好嘅地中海陽光、天氣、海風點可以唔好好享受呢～周圍睇下，起碼有5至6隻郵輪停泊係附近，咁島上面咪會好多人？！
藍白色嘅希臘國旗
大大嘅郵輪旁邊顯得接駁船非常細
byebye郵輪，晏啲見~
往Santorini進發
來自希臘其他地區嚟嘅遊客，大概搭呢啲船過嚟吧？
光禿禿嘅之字形上山路
準備就緒嘅旅遊巴陣
呢度望到都有四架郵輪了
上到頂了~原來呢啲係生係地上面嘅葡萄~
我哋上咗旅遊巴之後，第一個目的地係去參觀Akrotiri遺跡~
遺跡整成一個博物館咁，由一間大屋保護住地下出土嘅史前遺跡，可以見到以前嘅人嘅生活空間~
睇番啲網上資料，原來以前係Akrotiri生活嘅人，已經係公元前四千年，佢哋特別highlight嘅，係建築上嘅多層建築、排水渠道、廁所，以及陶器上面嘅裝飾、壁畫、傢俱等~我即刻search下差不多時期中國人做緊啲乜，Google AI話中國係仰詔文化同馬家浜文化時期，嗰陣我哋除咗有刻咗符號(可能係早期文字)嘅陶器之外，仲有高腳杯同埋玉器喎~
導遊都講解得好詳細，有少少太詳細，因為啲考古嘅嘢唔熟悉，啲英文好難，我做唔到邊聽邊翻譯，講緊又聽唔到，聽緊又講唔到，小朋友有少少唔耐煩，佢又冇乜文字/展板講解可以自己睇~
明啲唔明啲~
其實開放展覽嘅遺跡範圍都幾大架，如果demo得有趣生動啲就好lu~
umum…我哋比較期待下一個景點~
前往其他郵輪旅遊blog
前往其他希臘旅遊blog