之前一排覺得生活有啲悶，可能係考完試後未好好玩一轉吧？所以一直搵下玩嘅機會~去康文署camp幾時都on the list，細細個時就當然有跟學校、跟不同團體入camp啦，幾年前某次大姑奶邀請大家去day camp，先知原來以個人名義book都ok，同埋原來價錢非常平﹗﹗所以早兩年搞咗一次「Rita and Friends」大型宿營，叫好多各方好友，book咗40個位去曹公潭三日兩夜，嗰次大家都玩得好開心，我就有啲壓力，怕大家玩得未夠盡興，招呼不周～後來有另一次，自己一家四口，book咗西貢嘅麥理浩夫人度假村住一晚，除咗遠得不得了之外，真係無可挑剔，一家人自己住一間小屋，兩房一廳，非常闊落，行出門口就群山環抱，專登去台灣住清境農場都係想咁樣啫～上次去係冷天，唔係游水嘅季節，但都整體都玩得好開心，小小遺憾嘅係，嗰陣詩未夠高，繩網、射箭都未玩到，佢有啲失望～
今次突然興起話去camp，一吹雞，家姐一家三口就話ok，不過爹媽唔得閒，所以就簡簡單單，兩家人一齊去～
出發前我叫豆包幫我gen張poster介紹度假村設施，姨丈幫我加咗啲Pokemon落去，更歡樂～
閱讀全文曉學校家教會舉辦親子活動，上次一年級時參加過製作手工潤唇膏，有得玩又有嘢拎走都幾開心，今次有得參觀皮革廠，唔知抽唔抽得中都即管報下名參加啦~只有20對親子嘅名額，我哋都好好彩抽中咗有得去，我問曉，你想黐住媽咪定係要手靈巧啲嘅爸爸同你去呢，我好榮幸地當選可以去玩，yeah~
適逢早兩日係曉學校40周年校慶，有啲佈置都仲未拆，今日冇咁多人，可以影下相， 閱讀全文
自2023年參加過Snoopy Run之後，我變得更加活躍起來，除咗平時有恒常去做gym之外，仲開始咗跑步，又參加各種運動比賽同活動~話說我有個長期patient非常熱愛定向運動，每次覆診時都同我講到眉飛色舞，之前2002年尾參加過一次嘉道理農場嘅定向活動之後都覺得好好玩，除咗跑之外仲有啲task，似乎比一般路跑更乎合我嘅個性，後來2023年11月參加過一次海運週定向賽，之後我一直有留意有咩運動比賽或者活動可以參加~適逢今次仁愛堂野外定向慈善賽係星期六舉行，曉又咁啱唔駛上跳繩班，我就約佢一齊組隊參加~
上次海運週係城市定向，感覺地圖相對容易啲睇，因為公園、建築物、路、 閱讀全文
仍記得當年未有小朋友時同day去過抱石，嗰次覺得好好玩(請參閱：6-7-2014：抱石運動初體驗＠Just Climb)，試咗堂一次就買咗10次套票，後來陀咗曉，即使陀B通常可以extend期限，但後來湊B湊到好攰都抽唔到時間機會體力再去玩~所以兩個開始大個，我又心思思想去玩下~
當年去過嘅Just Climb，9年後嘅今日多咗幾間分店，連屯門都開咗，我重新運動番之後，都有諗過去下，但平日開得晏，假日又唔可以賣甩佢哋自己去，所以一直未試~而家詩都五歲半，睇嚟都夠大個可以一齊玩，所以睇下最細幾多歲可以玩得，yeah，得呀﹗咁就報名一齊去玩啦~
詩開始咗暑假，曉其實未正式放假，就係暑期活動，開始放半晝嘅第一日下晝去玩啦~登記入場時職員好驚訝搵到我嘅舊record，後生仔教練都話我抱石嘅「年資」仲耐過佢，哈，我只係玩過只此一次咋~
興奮試鞋中
教練問我哋想一齊上定按年齡分開上，可以一齊梗係一齊啦， 閱讀全文
之前一早已經喺Klook見到黃金海岸有個期間限定吹氣彈跳樂園，離屋企咁近，梗係要去玩下啦，本身諗住平日下晝去，入場費又平啲又少人啲，點知聖誕前一直忙到聖誕後，搞搞下終於過年前先嚟玩~
我哋喺Klook買定門票，之前見有全日任玩套票或者一小時入場，唔知係咪因為假日呢？ 閱讀全文