28-12-2019：熱鬧非凡福建探親觀光團day 2(part 1)．中國閔台緣博物館

第二日既行程，係泉州旅遊，夜晚會參加大舅公孫仔既生日宴會，早上我哋一行十人+大舅父大舅婆一齊出動~

未夠兩歲既詩詩係咁話要自己著鞋，「我識架」、「我自己」~

又真係俾佢自己著到喎，出生以來第一次﹗勁﹗反觀打blog既一個半月後，成日話「我唔得呀」、「著唔到呀」~

一日既開始當然由早餐開始啦，因為係Intercontinental既自助早餐，所以我都非常期待~不過有啲問題既係，酒店餐廳太大，食物種類太多，出一出去拎嘢食會去好耐，詩詩好快就要搵我，見到詩詩霸住我曉又要跟住我，結果係四個人一齊出去拎嘢食，非常冇效率，我就要趁兩個小朋友食緊時再去拎自己既嘢食，但佢哋早餐食量比較少，我去旅行時食量比較大，變成好多時間等我食囉~如果坐係啲邊位可以俾佢哋落地玩會好少少，我又keep住搵啲佢哋有興趣既食物嚟供應住又好少少~到最後一日先發現原來酒店自助餐嗰度有個playroom，早知道既話就坐係playroom旁邊，可以遠遠望住佢哋玩嚟食嘢就perfect了﹗曉最高興既係早餐都有壽司，維持詩詩生命既係乳酪，我呢，乜都想試下﹗幾日之間我食完又食既，似乎都係酒店自家製乳酪~

小朋友見到聖誕裝飾，例牌想影下相~

大家集合，預備出發﹗

食飽飽就出發去第一站景點—-中國閔台緣博物館~未出發前睇到行程表，我見到會去博物館其實有少少擔心，驚要捉住兩隻嘢同埋不停叫佢哋細聲啲，同埋怕佢哋不停嗌好悶呀好悶呀之類~後來去到先知道，原來博物館入面都有好多小朋友有興趣睇既嘢既~今次比較特別既係，原來day既大舅父大舅母請咗個導遊，全日帶住我哋去玩，但我哋要捉住四隻嘢，冇得留心聽導遊講解，真係唔係幾好意思，好在有爺爺做忠實聽眾啫~

好有氣派既建築，長長既樓梯﹗曉曉幫大家揸機影相時向後退，係幾級樓梯度跌咗落嚟，爆喊咗一陣，好在冇乜事~

前面仲有個好有氣派既大水池~

同埋好有氣派既浮雕~

博物館入口大堂，留意穎彤後面就係導遊叔叔同埋忠實聽眾爺爺~

「閔台緣」既意思，就係指「閔」—-福建，同埋，「台」—-台灣之間既「緣」份，台灣既原住民係好似大川叔叔哋卑南族、仲有台灣歌手張惠妹嗰啲，而台灣上面居住既漢族人，佢哋既祖先絕大多數都係嚟自福建，所以五月天唱既台語歌，其實就係福建話，我識咗day咁耐今次先第一次同佢返嚟福建，但就同佢有去過台灣旅行好多次，所以佢由細講到大既福建話就可以大派用場咯~