今日我哋會轉酒店，因為聽日會係今個trip其中一個重點，上海迪士尼樂園，上海太大啦，如果唔住近迪士尼，朝早好難好早入園～下午我包咗架車，將我哋10個人連埋行李搬過去新酒店，上晝嘅時間去邊好呢？今次編排行程時，一方面要安排經典行程，另一方面，我自己都好好奇，上海有咩新景點，其中一個好似都好勁嘅，就係喺2010年上海世博舉行完畢之後，喺原來嘅位置，起咗一個溫室花園，睇啲相好似新加坡Garden by the Bay咁上下，我哋就去睇下啦～
我同老公，對於上海世博，都有一番特殊感情，2010年世博舉行期間，我哋專登有一個trip，就係去參觀世博，每日過住不停排隊，統計住去到幾多個館，睇下啲新奇有趣嘅嘢～後來2011年，我哋去上海影婚紗相，大部份嘅展館都拆晒，嗰陣保留咗中國館，開放俾大家繼續參觀，我哋上海世博時冇排到中國館，再去嗰次就成功參觀到啦～隔咗10幾年，我都想重遊舊地，睇下而家變成點～
先一日約埋食早餐呢件事唔work，今日都係採取各個party自己各自食早餐，約定時間，執好晒行李，喺酒店lobby集合出發就好啦～
我哋四個去咗附近嘅小楊生煎食早餐~
講起生煎包，我都對上海嘅生煎包有情意結，大學year 1暑假，我參加咗一個上海嘅中醫藥交流團，去咗成個月，嗰陣我哋成日都幫襯上海第二醫科大學附近嗰間豐裕生煎食早餐，脆脆嘅外皮，多汁嘅肉餡，即使後來小楊生煎變成上海其中一間最多分店嘅生煎包連鎖店，佢嘅味道都比唔上我印象中嘅豐裕生煎～
而家小楊生煎裝修得好時尚，食物種類亦都增加咗～除咗經典嘅豬肉餡生煎包，我哋仲叫咗一款齊菜生煎包，又幾好味～
如何正確食生煎包1
如何正確食生煎包2
仲有其他食物，我哋仲叫咗油豆腐粉絲~
大家寄存好行李就可以出動啦~
原來我哋酒店樓下已經見到明珠塔呢~
我哋冇四個人四個電話，每次搭地鐵都要買單程票~
之後就唔住南京東路附近啦~
世博文化公園非常大，橫跨幾個地鐵站，我哋有老有嫩，體力有限，唔好諗住行晒成個公園～我哋喺世博大道站落車，邊遊覽、邊行過去溫室花園就算啦～
公園超大~
見到上海世博吉祥物海寶，就知道呢度係世博文化公園啦~
浩浩蕩蕩十個人~
見到草地自動瞓低~
大花圃
蘇蘇都享受草地，對於佢嚟講係超特大草地丫~
影啲咁嘅相，一定係我提議，唔知佢哋仲會聽我點幾多年~
好曬呀~
公園咁大，係入面運動真係唔錯~
現時應該只係保留咗四、五個展館左右，有啲變成咗餐廳，有啲變成表演場地，或者搞function嘅地方～
未行到去邊已經熱到叫晒救命，要食啲甜嘢凍嘢提神～
公園太大，感覺冇乜遊人，恐怕大家只係分散咗～
撞正唔知有咩活動，派緊活動包包~
後面就係上海溫室花園啦~
後來去到近溫室花園嗰邊，就見到好多人帶晒架撐嚟好勁咁野餐，咩叫好勁咁野餐呢？我哋平時去野餐，最多帶張地墊、一個細細地嘅摺疊式帳幕，上海人可能屋企夠大，又有揸車，佢哋去野餐，係有埋天幕同埋露營枱凳，個帳幕仲可以放到成家人入去嗰種～好羨慕～
好啦，我哋入去溫室花園買飛啦﹗
前往其他中國旅遊blog