出到西雙版納市區機場仲有啲時間，司機帶我哋去多一個古寨，曼丟古寨只係距離機場十幾分鐘車程咋~
我哋隨便走走逛逛，買少少手信，係呀，買咗多一個磁石，day 3去熱帶植物園時買咗一個青蛙磁石，靚就靚，覺得唔夠有整個旅程嘅代表性，今次買到一個孔雀磁石，仲有西雙版納字樣係上面添~
另外又發現咗阿盆姐用過嚟煮嘢食嘅七彩花生，好想試下~
奇怪喇，包裝上面做乜要寫咁多對健康嘅甚麼甚麼功效呢，一試，果然，真係麻麻地好味，如果好食就唔駛講咁多嘢啦~睇嚟唔可以就咁當零食，或者剝開嚟煲湯或者炆餸吧~
坐低飲飲咖啡~
周圍影下相~
村入面嘅宗教建築物
威武嘅龍
小巧可愛嘅鼠鼠
阿盆姐屋企都仲好多多肉植物~
發現遊樂場﹗
香港而家少好多翹翹板啦~
司機載我哋去機場，今個雲南旅程大致上就結束啦~入咗禁區食埋個早嘅晚餐先上飛機~
預備寄行李，因為啱啱摘嗰啲水果好重，所以寄完行李都仲有好多手提~^^”
因為最近管制帶powerbank過關上機比較嚴，所以自己冇帶，我個電話經過咗大半日已經冇乜電，試下係機場租powerbank，RMB 4起，貴就唔算太貴，因為冇電話用更加會變成窮光蛋，所以都要俾啦，只係啲電叉得係比較慢囉~
曉詩見到按摩椅就好想坐﹗btw，上次去沙巴時咪係機場坐過囉(28-12-2023：沙巴熱辣辣聖誕遊day 7(part 2)．溫馨騎馬之旅、中獎tea一tea、返香港lu)，你哋細細粒，乜坐得舒服咩？
兩姐妹又係非常認真地share按摩椅，會精準計時，一人一半，好公平~
佢哋坐按摩椅時我周圍逛逛，睇下有咩手信要買，順便睇下晚餐食咩好，發現有一間有得賣涼豌豆粉，阿盆姐好似有整過啲類似咁嘅嘢，好想試~
呢張相吸引咗我入去，哎吔，賣晒添，結果係同一間店食咗啲普通嘅麵呀飯呀雲吞咁啦~
知道飛機餐只有小小一個包，食定個晚餐都係必須啦，如果唔係，去到深圳就太夜又太餓啦~
曉永遠都會捧麵包場~
因為飛機時間太夜，落機再返香港可能趕唔切過深圳灣，如果要去其他24小時口岸返又會太累太轉折，所以我哋決定係深圳機場附近住一晚，第二朝先返香港，頭尾叫做有七日旅行啦~
亞朵X係連鎖酒店，貪佢位置近機場…
同埋有三個床位，夠晒瞓，好好休息一晚，第二朝就返屋企啦~
有姊妹真好，得一塊鏡都可以玩餐飽~
前往其他中國旅遊blog