day生日快樂~~~~~~~~~~~~~~~~~~~~~~~~~~

同day同一日生日o既heidi都生日快樂~~~~~~~~~~~~~~~~~~~~~~~~~~~~~

day生日o既日子，未能夠全面咁同day慶祝呢，因為家姐o既婚期越來越近，有好多東東要忙啊﹗今日唯有拉埋day一齊去辦呢D事啦~

起身時都晏晏地了，可以瞓咁晏真好~早餐時歎o左一本張小嫻o既舊小說「流波上的舞」，不嬲我都幾鍾意呢個故事o架喎，男女主角都係好美好o既角色，得人喜愛，而且佢o地之間o既感情，連讀者都feel到，又唔會好似有D其他故事咁有令人遺憾o既情節，叫我想跳過o既情節…

下晝要出去，上晝留係屋企繼續剪剪貼貼酒樓backdrop用o既閃閃字，未完成呀，下個weekend一定要搞掂佢了﹗

食完媽飯就出發啦，第一站去西九龍中心，去化妝師o個度幫家姐手，揀佩襯每一套衫o既飾物同頭飾，叫人眼花瞭亂呢﹗化妝師maggie好nice，佢都唔介意為我o地做多D o野~thanks~希望當日你同家姐合作愉快啦﹗

第二站去大圍o既婚紗舖，今日去試身，著上身，度下，睇下有邊D位置要修改，家姐當然有好多套衫啦，另外伴娘阿高一套、媽一套、我一套﹗但好遺憾呢，我o個套衫o岩o岩唔係度呀﹗我只可以著住自己衫+girdle o黎度身，我套衫係點樣就要拭目以待啦，對day o黎講都暫時成為一個秘密了﹗

佢o地之後好似仲有第三站、第四站…但呢個時候我同day正式開始慶祝活動啦~其實都冇乜咁巴閉，只不過係去食dinner同埋睇戲o者~去o左銅鑼灣稍為逛一陣就去食飯lu~因為我肚子已經超餓啦~去o左禮頓道o個間suzuki cafe﹗我之前咪提過apm o個間分店o既，銅鑼灣分店都係第一次試~

就係呢間suzuki了﹗中文叫做「鈴木珈琲館」~

好靚靚舒適o既陳設~坐起o黎都舒服D~如果歎咖啡就坐梳化位吧﹗我o地食o野都係坐枱椅o個D好D﹗

睇下menu有咩食先~

「豆腐軟芝士沙律」：應該係好好味的﹗但因為我的痱滋未完全好番，呢個蕃茄味o既汁簡直叫我痛到尖叫﹗所以添o左一次就放棄啦~D軟芝士好濃好滑好好味，豆腐都同成個沙律好配襯~下次食應該會好味好多o既~

「燒汁雜菌雞肉意粉」：溫和o既味道，成個意粉都好調和，好「日式」o既意粉﹗好味，不過未算瞇瞇眼o既~

「半熟吞拿魚串燒」：我鍾意呢個呀﹗吞拿魚烤到好似牛仔肉咁，另外個煎蛋係壽司o個種，甜甜鬆鬆的，好好味，但個車厘茄同埋堆沙律都係搞唔掂…由day全權負責﹗

「海膽汁帶子焗糙米飯」：收得你五十幾蚊，都好sure海膽味唔會好濃o架啦~呢個係全餐o既餐單之中最適合有痱滋口o既我﹗味道好溫和，整體都好夾~都幾好味o既~

當然唔少得咖啡啦，兩杯分別係「蜜糖牛奶咖啡」同埋「冰滴咖啡」，我諗一睇就知道邊杯係我o既，邊杯係day o架啦，哈哈~

被捕了﹗胡波波中…

買o左8:00am o既戲飛，今晚睇「保姆日記」~

飲咖啡飲到我o地騰騰震，原來UA戲院有咁好o既服務﹗可以俾$100按金借外套o黎著﹗即是免費~雖然唔知件衫乾唔乾淨，但我著完之後個身都冇痕o既~ok o既~起碼我可以暖暖的睇完場戲﹗thanks~

唔係睇「色戒」~不過覺得呢張poster好搞笑…原來我o地一直誤會o左中間o個個男人叫做梁朝偉…呵呵~原來左邊個女人先係梁朝偉~

「保姆日記」都幾好睇o既，雖然未至於令人讚不絕口，但都有D笑位，有D感動位，有D意義位﹗不失為令人假期時輕鬆一下o既小品﹗

第二朝又要超早起，盡量早D瞓~

Comments

comments