day 7都係整整一日留係酒店嘅玩法，因為呢個風，我哋取消咗原本訂嘅民宿，而延長留係凱撒大飯店嘅時間，由兩晚留到五晚，為嘅係打風時嘅活動空間大啲，有穩定粮食供應，當時好快決定到咁做實在太正確了，疫情期間屋企隔離都夠辛苦啦，如果要長時間留係乜都冇嘅民宿房間就更弊了，連食都冇啖好食~話說當時民宿雖然冇得退款，但真係好好，俾我哋改期一年內用，我哋後來俾咗公公婆婆住嗰三晚民宿，接近一年後嘅七月初，佢哋都去埋玩埋返來了，太完美了~
出面大風大雨，我哋只能乖乖留係酒店~雖然凱撒嘅地方係好大，好多設施、活動、餐廳，但講真做嚟做去都係嗰啲…
以前我唔明點解會有人食自助餐時會自己去淥麵嚟食，屋企仲煮唔夠咩~我今次居然都走去淥麵，因為食得太多餐同一個自助早餐了，總想尋求一下變化嘅~
想食奄列，但又唔敢開聲講普通話嘅兩個小朋友，只敢遠遠觀看，結果有冇成功order到呢？
傻瓜二人組，點解而家睇落去，詩詩個樣唔同咗咁多嘅？肯定係而家靚女咗﹗
專登帶咗啲靚沙灘裙嚟，雖然冇好天氣，我哋都影下靚相啦~
未夠鐘去黏土，打一陣乒乓波先~
當時嘅曉都未係好接到波，到咗2025年1月嘅今日，雖然好少打乒乓波，但已經打咗羽毛球有一年半，升咗上中班，可能對球拍同飛埋嚟嘅波有啲sense，而家打乒乓波都打得好咗~
差少少高度…張枱有啲高吧？
10點啦，去上免費黏土班啦~
今日學搓鯨魚~
中間粒紫色都有啲似樣丫~
中間有時間又係去睇下書~
因為全世界嘅人都係著呢對酒店拖鞋周圍走，為免搞亂，我哋用我哋獨特嘅方法嚟保護爸爸對拖鞋~
今日11點鐘嘅付費DIY手工係印畫環保袋，有個烏龜窿窿圖案板，用海綿沾上各種顏色印上去，烏龜就出現啦~
媽媽幫手…其實係…媽媽都想玩﹗
之後再用畫筆加工~
個風真正嚟到之前，我哋去便利店採購「打風餐」，專登留番打到最應嗰日先食，咁先有氣氛嘛，好豐富架~
每人揀咗一個杯麵啦，餸方面有雞胸、香腸、罐頭粟米粒，甜品方面有啫喱，仲有零食同飲品添~味道就一般啦，心情都係苦中作樂…
橫風橫雨背景嘅打風餐
其實平時都好少食杯麵呢~
懶洋洋嘅下午
day 6嗰篇blog係旅行完咗隔咗一年後寫，因為對於去旅行打風打幾日實在太冇幹勁，day 7呢篇已經變成2025年1月先寫，希望唔駛過埋今年個暑假先完成到成個trip嘅blog啦~之後有好轉架啦，day 8可以外出下，day 9有行程架啦~
酒店房每日都會refill零食籃，我哋都唔係特別好零食，所以想食時就開一包半包，唯獨呢個槍形嘅糖果我哋每日都會收埋一把，等執房時有得refill，因為曉詩覺得好有趣，專登要帶返香港送俾人~
下晝四點要上免費串珠班~
太有規律嘅生活了…
晚餐唯有重覆餐廳了，去番day 6午餐食過嘅大堂酒吧，當然菜式都有好多未試嘅~
今次食中式﹗
牛肉麵
另外一款湯麵
炒飯
day 8終於可以出下街啦~好期待呀﹗
前往其他台灣旅遊blog