颱風開始遠離，我哋連續兩日窩係酒店後，終於可以出街啦，即使冇任何行程都覺得興奮~呢個颱風嘅威力真係好強，風力持續到2025年，因為個風，呢個trip嘅blog一而再再而三地推遲未打好，準備2025年復活節出發去旅行，今日剛剛完成2024年聖誕節去日本熊本嘅最後一篇blog，先記起呢一個trip卡住咗係沉悶嘅day 8，未完成到~個颱風一方面卡住啲blog嘅進度，另一方面亦大大影響咗我之後安排暑假去旅行嘅思路，2024暑假去咗歐洲，荷包大出血，接咗落嚟暫時都係去番亞洲地區先，暑假唔敢去台灣﹗﹗唔敢去沖繩﹗﹗好怕又要因為打風而過隔離生活，驚驚~
上午依然係照時間表做嘢，食凱撒大飯店嘅自助早餐，跟住10點就去穿珠珠~
今日黏土係搓鯨魚
當時細細個嘅詩仲未係好打到
仲有一件重要嘅事，早上我積極同浮潛店聯絡，希望取消booking退款，雖然颱風遠離，但浪仲係好高，要落水都係唔太放心，當時仲係5歲半嘅詩游水冇而家8歲嘅佢游得咁叻，天氣唔好帶住佢落水好難令人開懷地玩，寧願今次唔去住，下次先再浮潛吧~
中午我哋出街呀﹗係出街呀﹗﹗﹗
颱風剛剛遠離嘅墾丁大街依然冇乜人，仲落緊少少雨~
墾丁大街
都有啲小店有開門，不過冇陽光冇得落水嘅墾丁，令到購買吊帶裙、比堅尼、太陽帽同其他紀念品嘅意慾變得非常低了~
附近聖堂
我哋去咗一間熱炒店食午餐，終於可以轉下口味lu~味道冇話好驚喜，但熱炒店嘅好處係樣樣食物都好經濟，叫好多碟都唔肉赤~
呢杯可樂有咩特別？
有得出去食下其他嘢就好開心了~
豐富
刺身
蜆清湯
蠔煮豆腐
點解咁多碟豆腐嘅？(2026年嘅我唔記得了)
大家陪我食嘅涼瓜
經常出現嘅魷魚(最近瘋狂補打舊blog，我哋係珠海嘅居酒屋同希臘嘅雅典都叫咗魷魚)
清炒通菜
之前幾日都錯過咗下晝3點嘅酒店扭波波活動，今次終於拎到把氣球劍啦~
劍客二人組
下晝仲有一件重要嘅事—-洗衫﹗yeah~
我哋又玩咗桌球，我當然大多數時間好不濟，篤唔中個波呀，啲波唔聽我話之類啦~
其實唔識打…
遠睇可能有少少姿勢
就結果嚟講，爸爸係比我好少少嘅~
邊個個姿勢有型啲？
前往其他台灣旅遊blog