返到宝來館只係下晝四點幾，未有耐食晚餐，我哋又泡個茶，喺房度休息休息，當然順便試吓啲新嘢啦～
認真地沖茶嘅曉~
即刻玩下本新買嘅Sudoku書，有填下兔子填色冊，唔少得畫下圖畫遊記，消磨一下晚飯前嘅時間～
美美的兔子填色冊
曉好在意要做齊晒每日學校嘅網上學習，包括每日一篇同埋Smart ABC，今次去日本咁多日，每日都有做齊，係酒店得閒嘅時間就係佢「完成工作」嘅時間了~最近我哋subscribe咗Duolingo，下次外出去旅行，又多咗一樣每日例行公事～
呢段時間，仲可以做多一件重要嘅事，就係洗衫啦！
小小嘅宝來館都有coin laundry，明明只係去六日，其實唔使衫都得嘅，有得洗就梗係洗啦，返香港可以洗少啲丫嘛，之後嗰幾日着衫又可以自由啲、放任啲～不過個洗衣房有少少難搵，因為唔識日文，唔知係邊，結果都係要指手劃腳問職員，原來要去屋嘅後門再出去戶外先到，要著番件大褸先去啦~
我非常滿意宝來館嘅洗衣房，洗衫快！乾衣快！乾得又好透～我哋屋企個洗衣乾衣機完全冇得比～令我滿意到，考慮過不如屋企換咗宝來館嗰套洗衣機乾衣機啦～
今晚晚飯去咗另一個大啲嘅房間，先一晚坐和式房間榻榻米，今晚算係西式房間有枱有凳～
又有正嘢食，yeah~
刺身、前菜、蒸蛋、煮物、鍋物，仲有啲菜式未上呀~
今餐個湯係魚湯呢~
原來個鍋係烤牛排，個火熄嘅時間就差不多煮熟了~
我記得呢個腐皮包嘅炸脆脆嘢好好味，有好多樣餡釀係入面，我記得有栗子，仲有咩呢？配埋個鹹鹹嘅豆腐味噌就好好味了~
大人嘅炸物有炸蝦同炸魚~
小朋友都有炸蝦，但就特別為小朋友預備咗佢哋鍾意嘅漢堡同埋意大利粉，其實我啲女直接食大人菜單都ok，細portion少少就得~
食埋個飯後水果就perfect啦~
就會飽到抱住個肚﹗你睇我哋幾勁？﹗我同爸食清光，曉都唔弱，詩係食量細啲，但都有義氣地款款都試過~
佢都盡咗力啦，你睇，飽到要攤係度先得~
係bor，未介紹過，呢度就係我哋住咗兩晚嘅松乃間啦~
當然又係要等到冇咁飽先可以去沖涼浸溫泉啦~第二晚詩詩依然未能夠成個人浸到入去，佢有努力嘗試，所以心情特別複雜呢，佢唔甘心浸到落去，但又好糾結，因為啲水熱得好緊要，佢又唔放棄，於是係個池邊又踎又企又行埋嚟又行出去，叫做有少少進展嘅，起碼比第一晚浸得多咗少少，個pat pat邊應該有踮到啲水面啦~
今晚係最後一晚住宝來館lu，聽朝早就出發去下一站啦~
前往其他日本旅遊blog