嚟到旅程嘅最後一日lu～The Blossom冇包早餐，我哋去熊本站附近搵食！離開酒店之前寄存埋啲行李，The Blossom同一般酒店寄存行李唔同，有間房仔大家可以自由出入，而啲行李可以用獨立嘅安全鎖鎖實個櫃，又或者放入locker裏面，大概係等大家可以free啲處理啲行李吧，不過都有職員可以過嚟幫手～
附近有麥當勞、Starbucks、Mister Donut等食店，我哋最後揀咗一間可以坐低食嘅麵包店～
我同兩個女去揀包，爸爸搵位先～我同爸爸飲咖啡，諗住問下店員有啲咩啱小朋友飲，我話milk，佢okok，咁我就俾錢等候領取～oops，原來溝通失敗，佢俾咗咖啡嘅milk我！oh no，又要再排過隊！可能我太耐冇去過日本，呢間麵包店嘅收銀機都令我好讚嘆，喺香港，要快，梗係俾八達通或者其他可以嘟嘅卡啦，原來呢度比cash都咁快，店員計算好銀碼，你有理冇理掉晒一大堆散子落部機度，佢就會自己計算好要邊啲找邊啲俾你，好似仲方便個俾卡！
我哋買咗嗰堆麵包蛋糕之中，最好味係粉粉地、紫紫地嗰個番薯蛋糕呀，有一粒粒甘香美味嘅番薯粒喺裏面，yummy～雖然都係麵包，世界上唔同角落，真係會develop出各種唔同嘅風格，日式麵包柔軟，餡料同造型多樣、豐富，歐洲面包強調穀物本身嘅原味，其他材料只係做點綴，港式麵包又係另一個模樣～
最後都成功買到牛奶﹗yeah~
今日係除夕，我哋只剩返一個上午，好多地方已經開始新年嘅連假唔開門，去遠少少我哋又唔夠時間，最後揀咗去市內嘅日式庭園——水前寺成趣園～
由熊本站前往水前寺成趣園，可以搭A系統地面電車直接到，或者搭JR local列車再步行接近1公里嘅距離，我哋鍾意痛痛快快嘅方法，當然係JR再行路啦！
熊本站出發~
車廂地板有好多QR code，爸爸試嘟咗，好似冇料到~
假日嘅早上周圍靜英英，人都唔多個～差不多去到時自然有啲signal，因為開始見到紀念品店，有返啲人氣～
有熊本熊歡迎我哋~賣門票嘅年長女士好親切，買好飛就可以入場啦～
事先冇乜做咩功課，唔係好知呢度嘅歷史由來，總之享受下寧靜悠閒嘅時光啦～
計埋附近嘅江津湖公園同水前寺兒童公園，可以遊玩嘅地方都幾大範圍架~
小朋友有餵過魚，但係未餵過雀仔，今次有機會試下啦～wow，真係估唔到，餵雀竟然成為今個旅程嘅重要回憶之一，因為啲雀真係好——瘋——狂——！追住你嚟食，俾慢少少都撲過嚟，嚇到兩個女逃走，只有我堅守原地，冒險完成艱難嘅使命～哈哈哈哈，見到佢哋逃走，勁好笑囉～
就咁睇相睇唔出佢哋咁瘋狂~哈哈~
睇下風景平靜下心情先~
爸爸，小心呀，唔好跌咗屎屎落水呀~
啲魚又大又肥美呀﹗
呢個造景叫做小富士山~
umum…唔算太似囉~
出水神社有一大排鳥居，好多香港人排住隊影相呢~
唔知邊度山引落嚟嘅咩泉水，試下味先，唔好味~
湖嘅另一邊有個「櫻之廣場」，呢啲應該全部都係櫻花嚟架，我哋提早少少賞櫻啦，如果post去P圖公社之類嘅group，應該有高手可以幫我哋變成盛開嘅櫻花~
舒服享受冬日早上嘅公園，係香港冇可能咁寧靜~
呢邊有人餵鴨仔，比餵雀好好多，佢哋好斯文好有規矩~
離開成趣園，我哋去附近嘅兒童公園玩一陣~
個招牌唔係好顯眼添~
首選香港要排隊嘅鞦韆~
媽媽都有得一齊玩~
曉話佢係海盜喎~
嗰度仲有個夏天會開放嘅玩水區，唔知點解冇影到相喎~
回程﹗
沿路好多呢種樹葉，我哋一邊行一邊執，睇下邊個搵到最多靚樹葉，收集成為一個小花(樹葉？)束~
記錄一下小小的車票~
返到熊本站，食埋個午餐，返酒店拎番啲行李就要去機場lu~
前往其他日本旅遊blog