到咗萬眾期待嘅日子啦！今次上海旅行，係經典行程，再加上上海迪士尼樂園，上海迪士尼我都係第一次去，我都好期待呀！為咗令到入場暢順啲，我是先上網買門票，唔同嘅組合有唔同嘅優惠，經過計算，我買咗幾set雙人早鳥套票，一陣親子一大一小，一陣兩大，一陣又兩小，好多combo，老人票分開買油抵啲，除咗優惠問題之外，可以預先輸入證件資料都好緊要，因為又係實名登記，用證件嚟入園～
我哋酒店一日有三班免費shuttle前往迪士尼，原本諗住唔使咁早，慢慢食完早餐至出發，聽完蘇州小男孩嘅意見之後改變主意，決定搭第一班出發，因為佢話，由停車場行到去樂園入口都要大半個鐘，即使未開園，人已經超級多～
所以食早餐變得有啲趕，唔好慢慢揀啦，食飽咗就要出發lu～
酒店shuttle並唔係酒店自己車，上咗車就即刻明晒，因為一上到車，就有個超級專業、口齒伶俐、親切可人嘅女士為我哋介紹迪士尼樂園，如果只係酒店提供嘅交通服務，真係冇必要派一個人去咁做，佢稍後就為大家提供各種收費增值服務，有fast pass、私人導遊小團等等，價錢由幾百至幾千都有，好誇張～不過佢唔hard sell，我哋明明係佢嘅target客源，一大班人有老人家有小朋友，但係我哋偏偏不為所動，我哋屋企由細到大嘅教育，主張邊個要玩就邊個排隊，玩唔晒就下次再嚟，花大錢只為喺日樂園玩多幾個遊樂設施，我本來就唔太同意～見佢咁落力，我哋最後都有幫襯，買咗餐券，同埋租咗「童車」～
童車後面嗰位女士就係車上嘅專業導遊，佢係度教緊我哋點樣用兩部童車，我哋一張單座位，一張雙座位~
坐童車好新奇~
曉強調咗好多次，呢架唔係BB車，係童車，都係嘅，邊有BB咁大隻丫～曉、詩細個時都冇乜點坐BB車，我哋屋企附近冇鐵路，要開車收車上落巴士小巴根本就唔方便，佢哋細個用孭帶用到兩歲左右，之後基本上都係自己行+徒手抱～今次我哋同意租童車，係因為上海迪士尼真係太大，如果晨早流流就行咁多，好快揸乾晒啲體力，喊喊事件、嗌交事件、發脾氣事件就好快陸續出現，全靠今次嘅童車，第一件喊喊事件拖到五點左右先發生～大家唔坐嘅時候，用嚟放下嘢都好丫～
果然，一落車就非常洶湧，人極多，點解旅行社要免費提供接駁車比酒店住客，就係要先拔頭籌，我哋一落車，就有好多唔知邊度嚟嘅人，湧上前，向我哋推銷車上面剛剛聽過嘅各種服務，太遲啦，哈哈～
人呀人呀人呀人呀人~~~~~~~~~~~~~
大推細，細推大都得~
大家順着人潮，向入口進發，蘇州小男孩冇講錯，路好長，人好多，花好多時間先去到安檢同埋入口～
去親迪士尼，都買米奇米妮耳仔頭箍，太多啦，我哋專登帶咗屋企嗰啲舊頭箍過嚟，反正都係影幾張相就除落嚟～
終於去到入場附近啦，你睇我個樣係咪有啲焦慮^^”大家唔好走散啊~
okok﹗入到場了~入到去，我哋四個+家姐三個同爺爺嫲嫲分開玩啦，爺爺嫲嫲要慢活享受，我哋要全力衝刺~晏啲再見~Sandy嫲嫲唔太鍾意主題樂園，今日佢自己自由活動~
有車可以全力加速﹗曉，你需唔需要慳住啲電嚟用呀~
上海迪士尼個app非常重要，一方面要睇地圖，用嚟搵各項設施嘅位置，可能因為地方太大，仲可以幫你計算步行距離同時間，另一方面可以顯示每一項設施即時嘅等候時間，對於決定要去邊度玩好緊要～
我哋第一樣，先去玩加勒比海盜，坐隻船仔入去睇下故事場景，身體嘅刺激度唔算好高，但精神上嘅衝擊，特別係阿詩，就非常之大，佢玩到喊，慘慘！一場嚟到咁遠，乜都試下啦～
開心排隊入場﹗
兩個排隊時係度製造氣氛~
詩上船時係笑笑，未知上咗賊船~
經歷咗好真實嘅場景之後…
詩縮到唔見咗﹗慘慘~
跟住我哋就去排咗上海迪士尼嘅必玩項目，Zootopia！！喺香港迪士尼，最多人着公主衫入園，小女孩就最多，有啲少女們都會着貌似公主衫嘅衫入園，上海迪士尼最多裝扮成Zootopia嘅兔仔茱迪同埋狐狸阿力，大人甚至比小朋友更多，通常係年輕情侶~
Zootopia嘅ride亦非常精彩，由排隊開始已經好好睇~
講起動物城，大家應該會諗起佢…
當紅美女歌手Gazelle
動物城嘅警察都好出名~
招呼你嘅，咪就係好鍾意食甜甜圈嗰位豹警察囉~
近少少，影多張~
之後會經過警察局~曉係咪有動物城警察正直、責任、勇敢嘅風範呢，俾埋佢加入啦~
介紹各位優秀嘅警官
爆笑~
屬於邊個嘅office，應該好清晰吧？
最有趣係啲監獄，除咗有regular size嘅監獄，仲有專為小型動物而設嘅迷你監獄，勁可愛~個ride嘅故事係講羊市長逃獄，我哋要捉佢返嚟，途中當然要有各種冒險情節啦~
三個扮驚，一個真驚~
詩感受到氣氛了…
準備上車﹗
出發﹗
我被佢迷倒了，入面咁多嘢睇，我居然剩係影咗Gazelle小姐~
今次係開心笑樣啦啩？
玩完出嚟，仲可以買紅蘿蔔造型糖同埋爆谷~
cute~
因為再次投入Zootopia嘅熱情之中，我哋三個揀嘅旅程souvenir都係Zootopia﹗我揀咗「性感羊」Gazelle嘅杯子，曉揀咗本好靚嘅簿，詩揀咗動物城入面嘅一隻返工倉鼠公仔，好可愛~~﹗
前往其他中國旅遊blog