連續坐咗兩個遊樂設施之後，我哋睇下有咩有趣又唔駛排太耐隊嘅嘢玩~接近一年後嘅今日打blog，我邀請咗詩「重組案情」，而家搞清楚我哋當日嘅動線喇~

好天氣

我哋玩完Zootopia之後，玩咗小飛俠天空奇遇，大概唔太精彩^^”，因為完全冇印象，我要打開上海迪士尼個網頁，對照一下啲相，先懷疑係呢一個ride，但點解真係完全唔記得呢？可能郁動太溫和，劇情又太熟悉吧？我估詩詩應該坐得比較暢快嘅，精神上太刺激嗰啲佢暫時唔太鍾意~

之後我暫時離開大隊，帶詩去一去廁所，曉先跟住姑媽佢哋坐「晶彩奇航」，即係坐架船仔睇啲公主嘢，我哋路過城堡時瞄到有歌舞表演，睇咗一分鐘吧？

偷睇到少少~

「晶彩奇航」幾乎唔駛排隊，個feel有啲似香港迪士尼嘅森林河流之旅，不過就更加溫和~去完廁所我哋爸媽詩組自己坐~

佢哋四個坐完，輪到我哋我哋三個自己坐~

我當時一定係話「要影沙巴信俾姨丈睇」~

午餐時間﹗

咁好彩嘅？我哋啱啱可以搵到張大枱一齊坐，隨便叫啲pizza、湯麵嗰啲嚟share嚟食啦，最緊要行動迅速，快啲繼續衝呀玩呀~

Pooh形pizza

仲有Pooh Pooh烚蛋

康師傅在迪士尼

午餐後我哋連續睇咗兩個show，有一個係Frozen嘅sing along show，入面有好多大家喜愛嘅經典金曲，有趣嘅係，真係卡啦ok﹗有埋字幕打出嚟俾大家跟住唱，其實…umum…我比較想聽Elsa同Anna你哋唱囉~

坐低睇Elsa

幾百人齊齊唱，不過我哋唔熟普通話嘅歌詞呢~

有得睇歌舞就好啲~

主角們係貨真價實嘅外國人，講住啲充滿口音嘅普通話嚟演出，有少少奇怪~

之後排咗入去另一個live show，又係杰克船長，我哋入場時都唔係好知做乜~

開頭係一個疑似排隊嘅空間度企，忽然間好似關咗門，然後就地開show(？)，有啲著西式古裝嘅人走出嚟又講啲嘢，又有啲對打咁，係咪就係咁？跟住劇院開門，哦，原來入去坐低先係真嘅~

入到去係特技劇場演出，即使劇情唔明得晒，視覺上都好刺激有趣嘅，有啲彈跳、翻跟斗、爬繩之類嘅演出~

詩話我知，之後就係「排咗一個鐘隊嗰個」啦，排咁耐都覺得好值得嘅，叫做「翱翔—-飛越地平綫」~

我哋一排坐係個會移動嘅座位上面，飛越全世界，去各個角落嘅地標、特色地方探險，銀幕超大，座位移動時好似飛咁，難怪叫翱翔，相隔咗一年，詩同我講起，佢即刻記得係「有味架」，咩味呀？草原上面有草味囉~係喎，講起又有啲印象了~我都記得呢個同Zootopia並列最精彩之作﹗﹗排得耐都值得~

排完耐嘅之後要回一回氣，我哋隨意走走，上咗架海盜船度參觀、尋寶，又影下相咁~

曉船長

叮叮叮~

再同爺爺嫲嫲會合睇下午嘅巡遊~

米奇呀~

係艾莉奧~

跟住去邊度好呢？

前往其他中國旅遊blog

Comments

comments