Quyen Cat Spa出到嚟，我哋直接call大車小車去下一站了，其實都算係我哋酒店附近嘅後灘海邊，我哋會行路去對開海面嘅一個小島~行路？小島？有啲似西貢橋咀，潮漲時係一個小島，潮退時通往小島嘅路就會露出嚟啦~我一早睇準當天潮退嘅時間係15:00-20:30，我哋可以試試走一趟喎~
日間潮漲時，睇落就係一個正常嘅小島~
踏足頭頓後灘~
後面最新最光嗰楝就係我哋住嘅頭頓明珠尊貴酒店了~
呢楝﹗
點解要攬住間酒店？
往Hon Ba進發~
後面是Hon Ba
長長的海灘
天色開始昏暗，出發過去Hon Ba時還好，仲睇到條路，係就係石頭好多，又大又細，踩唔啱就會濕腳、跌倒，所以要小心翼翼咁行，爸曉組行得快，我同詩相依為命^^”家姐同逸逸最醒目，著咗拖鞋，濕腳都唔驚~因為Hon Ba島上面係一間廟，所以行過去路上有啲阿婆擺檔，.賣下啲拜神用品，佢哋會開燈照住啲貨品，所以我哋都沿住佢哋嘅攤檔附近行~
好不容易抵達Hon Ba﹗
Hon Ba廟
由Hon Ba廟望回後灘
重點其實係條路，過到去反而冇乜嘢睇~天黑齊晒，我哋冇乜點停留就回程了，天黑事小，太慢吞吞連條路都會唔見埋﹗﹗
望到耶穌山呀﹗
回程時個天更黑，我哋要用手機嘅電筒嚟照腳前嘅路~
成功抵達陸地﹗
大家都疲累啦~我哋睇下附近有咩食，食埋早啲返去休息了~
發現一間大排檔，可以拍埋啲枱變成長枱坐埋一齊~間鋪頭有啲立立亂，好隨便嘅餐牌，隨便點住幾樣飯呀麵呀叫住先，跟住再慢慢睇~搞鬼嘅係，嗰頭order完，個老闆就指示個員工唔知啲咩，跟住佢就開走架電單車出去﹗即時買餸？﹗
我冇逐道菜影相，大家可以click過去我家姐個blog度睇(截至打blog嘅今日，佢越南之旅進度慢我少少，去到day 3上午嘅耶穌山XD~catherine.wufamilyblog.com)~只記得有個魚湯，係鯹定咩原因呢？有啲人有飲，有啲人話飲唔到之類~我就食飽飽，day返到酒店淥咗個杯麵(定杯河粉？)，佢原來覺得嗰間鋪頭有啲污糟，唔太開胃…莫非呢啲就係視力好嘅壞處？我又冇特別睇到啲咩污糟喎~哈哈~
家姐話要試下啲街邊串燒，我已經好飽啦，好似拮咗一舊試下就算~今晚係頭頓最後一晚，本來都想去下啲露天茶座(靚啲嗰啲，唔係呢間up dup大排檔)飲下咖啡或者食下甜品，但小朋友們好想返酒店了~
前往其他越南旅遊blog