day 3嘅下午，本來就打算要嘆酒店送嘅下午茶、游水，悠閒地度過，晚上就book咗去睇show，咁精神最好嘅早上去邊度好呢？左諗右諗後，決定去參觀一下中國科學院西雙版納熱帶植物園，既然係國家5A級景區，質素應該有啲保證，而且啲人話地方好大，行極都行唔晒，好似好勁咁，去下郊外，睇下綠色嘅植物，應該啱晒我哋啲城市人啦~因為中科院植物園都幾遠，早上由鬧市call車去應該冇乜問題，但擔心回程會搵唔到車搭，我哋索性搵咗接機嗰日嗰間公司，包咗半日車往返，咁就可以放心晒啦~
係菠蘿酒店食完早餐就出發lu~
咁可愛嘅~曉~
大家睇我哋啲相，應該都覺得幾特別，究竟香港冬天去嘅雲南係咩天氣呢？點解你哋有時著短袖，有時者長袖，甚至加啲睇落厚厚地嘅褸呢？之後甚至會出現衛衣同薄羽絨呢？因為西雙版納位於雲南嘅最南邊，接壤老撾同緬甸，氣候似熱帶地區，但去到山入面就會涼快好多，之後上景邁山去到海沷1500米以上，變成凍添，所以著嘅衫先差別咁大，我哋嘅行李亦有齊一年四季，執行李時要按行程嚟執~
點解無啦啦講呢啲？因為day 3嘅早上我哋失策啦﹗兩個小朋友著得太單薄﹗﹗先一日澗水玩泥沙搞到啲外套勁污糟，所以佢哋著咗衛衣代替外套，點知一落車就勁凍﹗﹗失策嘅唔單單係我哋一家，因為見到植物園門口嘅紀念品店已經好多人係度選購披肩~曉最近都怕凍，唔好諗咁多啦，我哋都速速入手，買咗件披肩俾佢搭住，希望頂得順啦~
凍~
植物園園區非常大，我哋只打算遊覽西區可以買電瓶車套票，搭嚟來往景區之中嘅不同景點，原來由入口去到第一個重點景點已經非常遠，好在搭咗車，雖然我一向都鍾意行路，但完全行路應該搞唔掂，好快用晒啲體力~上咗電瓶車後亦馬上慶幸買咗件披肩，唔係誇張，啲風吹埋嚟真係凍到震﹗﹗
我哋逛植物園都好隨心所欲，冇乜規劃，見到乜就睇乜啦，最好唔好咁逼人~有一團又一團嘅人跟住導賞員參觀，呢啲就唔太適合我哋啦，太專門嘅嘢聽又聽唔明晒，聽完都馬上唔記得，都係享受下環境同時光就好了~
咁啱見到有人禽鳥展示區，可以買飼料入去餵，有最吸引人目光嘅孔雀，又有雄壯嘅大雞，偏偏食嘢最熱烈嘅係啲「不速之客」，外面嚟搵食嘅鴿﹗
我好受歡迎~
因為啲雀仔太熱烈，詩唔敢入裡面餵，只肯留係鐵絲網嘅外面，咁先最安全~
你睇，展示嘅雀鳥之中，係唔包括鴿嘅﹗
雖然話係熱帶，但都有季節之分，我哋去嘅12月尾花開得唔算多~
隨便影影花草樹木～
花花拱門~
發現有個室內展館，原來裡面有得睇動物～
當你好專注咁望，突然係一堆植物之中搵到有保護色嘅蜥蜴，一定會嚇一驚！！
又展示不同樹木嘅木頭～有咩發現呢？
爸爸又係度引人做啲奇怪嘢~
有得試聞草本香水~
餓又唔係餓，不過剛巧發現有餐廳，好似幾靚咁，入去睇下，原來係供應兩餸飯三餸飯，同個露天餐廳氛圍唔太夾，算啦，都係唔食住啦~
餐廳個庭園幾靚~
行去另一個區域~有條大直路…
衝呀~
一家人~
躲躲詩
去到另一邊盡頭，原來會變成離開園區，我哋都係返轉頭啦~
原來有啲人專登帶晒裝備入嚟植物園寫生呢，好pro咁~
行下行下開始餓，又冇乜好餐廳，算啦，係小食亭買啲碗麵、腸仔就算啦，反正下畫要返去食勁tea~
坐低食麵嘅位置啱啱係一個電瓶車上車站，我哋聽到有啲機器講嘢聲講唔知啲乜，係咪「四十九」？定係「西區票」？我哋研究咗好耐，最後都冇結論…
食完嘢之後再走走逛逛~
植物迷宮
過咗中午就唔凍啦，啲陽光仲好舒服添~
美麗的荷花與可愛的荷花~
植物園可以試玩熱氣球升空…
好似驗眼嗰個熱氣球﹗﹗
時間差唔多，我哋出番去正門同司機會合，咁啱遇到小火車形態嘅園區接送車，小朋友特別興奮~
臨走影埋個招牌啦~
前往其他中國旅遊blog