希臘我哋會停兩個港口，雅典同埋Santorini，Santorini算係我夢寐以求嘅其中一個旅行目的地，所以我好期待呀~有別於其他港口，郵輪唔可以直接停泊Santorini岸邊，所有郵輪都要停係附近海域，旅客再搭接駁船上岸~我哋join咗day tour，所以照舊係劇院集合等候出發~大概係食相同嘅自助早餐食得太多次了，我同老公都不約而同冇影任何相~

其實Santorini睇落個樣都好奇怪，沿岸光禿禿的，然後山坡非常陡，車輛要行之字形嘅路上山，舉高咗嘅土地先係城鎮同草披，究竟以前啲人係點樣決定要係度生活呢？定係後來地形變動先慢慢變成而家個樣呢？如果你join郵輪tour，交通當然會安排好晒啦~如果選擇搭接駁船，上岸就要想辦法上山上面嘅城鎮，郵輪方面都有得買純交通方案，安排埋旅遊巴車到出到去城鎮~郵輪公司唔建議嘅係大家坐接駁船上咗島，自己再僱用當地人騎驢上山喎，話怕意外呀危險呀嗰啲~如果係你又會點選擇呢？

郵輪有咁多日，總需要搞搞嘢，持續保持大家嘅興致~晚餐不同日子亦有不同dress code，我哋決定要跟嘅兩個dress code，分別係旅程day 6嘅formal night(22-7-2024：意大利克羅地亞希臘郵輪之旅day 6(part 2)．海洋探險者號cruising之formal night)同埋今晚，希臘嘅純白之夜~formal night我都花咗唔少心力去淘呀淘，搵套平平地嘅西裝俾老公同埋「晚禮服裙」俾兩個女~純白之夜就簡單得多啦，不過兩個女都要置裝，平時多數舒服短衫短褲為主，lady少少嘅裙仔就冇喇，今次買俾佢哋嘅兩條裙我都好滿意呀~

換好衫就梗係周圍去影下相啦~

三個美女子

參觀完雅典衛城，呢個郵輪嘅半日tour就結束啦，旅遊巴送返我哋去Piraeus郵輪港~我哋一落車，就轉身返過去城區，我哋要搵個地道午餐嚟食下，同埋要真真切切地用自己嘅腳嚟體驗一下呢個城市~

一來早起，二來俾太陽曬咗成朝曬到冇晒力，我哋都去唔到幾遠~

用自己雙腳先可以真正去體驗一個地方~附近好似以住宅區為主，商店唔算好密集~

旅程嘅day 7，係cruise嘅day 4，嚟到第二個port——希臘雅典，我哋呢一日都join咗郵輪公司嘅shore excursion，參加雅典衛城半日遊～本來打算參加full day嘅tour㗎，不過心大心細，冇及早預約，後來full咗，結果選擇少咗，但係錯有錯着，就係因為有剩低落嚟嘅自由時間，我哋先有機會，食到15天裏面印象最深刻，最好味嘅一餐～

海上的晨光第一線

詩 P.1

詩 P.2

前往其他圖畫遊記blog