最後一晚住係郵輪啦，第二朝好早就落船lu，郵輪公司會幫我哋搬大件行李落船領取，所以我哋先一晚要執好晒行李放門口，只留低一個細嘅旅行袋放當晚要用嘅嘢~另外一件事就係，因為係美國嘅郵輪公司，所以臨走要放低小費係房，有個專用信封俾你入住啲錢，雖說話自由俾小費，但都有建議銀碼，我哋玩得好開心，但老實講真係唔知俾幾多先算表達我哋嘅謝意，所以係建議銀碼之上加我哋認為合適嘅金額，另外再夾一封親筆感謝信/畫俾我哋嘅housekeeping staff同埋負責照顧我哋咁多晚嘅兩位專責waiter，希望佢哋接收到我哋嘅心意，繼續做得開心啦~

雖然話趕時間返上船，返到去又唔係晏得咁交關嘅~

一返到房又見到新嘅towel art傑作…

今次係掛係頭頂嘅蝙蝠wor~

下一站就到今日嘅重點，Krka National Park了，出發前後同朋友講起我會去克羅地亞嘅國家公園，大家都話十六湖十六湖，我當時都唔記得我去嗰個叫咩，而家clarify一下，十六湖國家公園(Nacionalni park Plitvička jezera)同我哋去嘅Krka並唔係同一個地方，相距大約一個半鐘至兩個鐘車程，可能氣候、地勢比較相似吧，十六湖嘅某啲位置景色係同Krka有啲相似嘅~如果計面積，十六湖一定大好多，下次可以再去~郵輪day tour會去Krka應該係因為比較靠近郵輪港吧~

未落車已經開始出現湖光山色

郵輪旅程最後一次上岸，我哋返到嚟克羅地亞，上次Dubrovnik係一個古城，今次嘅Split就係現代大城市，僅次於位於內陸嘅首都Zagreb~上岸tour有啲係遊覽城市嘅，我就選擇咗去遠少少嘅郊區，因為一睇到照片就一發不可收拾，風景實在太靚了，唔去唔得~

有人一朝早甩咗隻牙呀﹗

攀完石我哋返房換泳衣，陽光咁好，成個trip當然唔好淨係游一次水啦，仲要我哋都未玩滑水梯添~

海洋探險者號有兩條滑水梯，兩個小朋友都躍躍欲試，但身高要1.22米先玩得，曉就冇問題，但詩連埋對拖鞋先有1.22米，就係差2cm﹗﹗﹗

所以出現咗第一個sad sad樣，慘~即使下次再去其他水上樂園，再去其他郵輪，都唔可以代替啦，呢一次真係玩唔到嘛，失望就係失望嘛~

離開希臘，我哋再次返回克羅地亞，船需要行駛一整日先到，所以我哋有全日嘅時間享用郵輪嘅設施~

出動﹗