媽 P.1

媽 P.2

==================================================================

曉 P.1

曉 P.2

==================================================================

詩 P.1

詩 P.2

前往其他圖畫遊記blog

前往其他郵輪旅遊blog

前往其他希臘旅遊blog

再落車之後，我哋嚟到Santorini嘅旅遊小鎮Oia，就係經典嘅藍白小屋小鎮，我見到啲藍白小屋就有少少瘋狂了，覺得要影好多相同埋要買手信~

暑假正值旅遊旺季，Oia嘅旅客非常多﹗﹗周圍都人頭湧湧﹗有可能影得到見唔到其他人嘅靚相嗎？

由Santorini再次搭接駁船返郵輪之後，我哋今個旅程要同希臘講再見啦，下一次唔知隔幾多年先再訪希臘lu～下一站停泊嘅港口係克羅地亞嘅Split，由Santorini去需要一整日嘅cruising，所以，旅程嘅day 9，即郵輪嘅day 5，會全日喺海上，享用郵輪設施，～

返上房，發現有張咁嘅嘢⋯

睇嚟係房務員見到我哋洗咗衫，掛到成房都係，好心提醒郵輪有洗衣服務～今次旅行去得長，我哋都預咗一定要洗衫，特地喺淘寶淘咗條晾衫繩，同埋旅行裝洗衣液，去兩個星期，總冇可能帶13條底褲去吧！有睇開我旅行blog嘅朋友都知道，我經常會喺旅行中洗衫，不過多數都係用自助洗衣，人生之中有交比酒店逐件計嚟洗衫，恐怕只有去印度嗰陣，大學畢業嗰年，同同學去印度交流+旅行七個半星期，自己手洗衫係每日例行公事，嗰陣會交長褲、牛仔褲嗰啲自己唔容易洗嘅衫俾酒店幫我哋洗，2008年嘅物價，類似係Rs15一條褲左右～今次喺郵輪，我唔會捨得花錢俾人洗衫㗎啦，你容許我哋繼續掛到成房都係啦～

離開Akrotiri，下一站係Santorini day trip之中我其中一個最喜愛嘅行程呀，我哋去酒莊品酒﹗開頭我都擔心啲行程帶小朋友去適唔適合，原來團入面都有其他青少年&細路，而且酒莊亦為佢哋有所準備~

我哋先被安排坐係露天嘅座位一枱枱咁坐，坐低時枱面已經放好晒酒杯同埋點心~

希臘我哋會停兩個港口，雅典同埋Santorini，Santorini算係我夢寐以求嘅其中一個旅行目的地，所以我好期待呀~有別於其他港口，郵輪唔可以直接停泊Santorini岸邊，所有郵輪都要停係附近海域，旅客再搭接駁船上岸~我哋join咗day tour，所以照舊係劇院集合等候出發~大概係食相同嘅自助早餐食得太多次了，我同老公都不約而同冇影任何相~

其實Santorini睇落個樣都好奇怪，沿岸光禿禿的，然後山坡非常陡，車輛要行之字形嘅路上山，舉高咗嘅土地先係城鎮同草披，究竟以前啲人係點樣決定要係度生活呢？定係後來地形變動先慢慢變成而家個樣呢？如果你join郵輪tour，交通當然會安排好晒啦~如果選擇搭接駁船，上岸就要想辦法上山上面嘅城鎮，郵輪方面都有得買純交通方案，安排埋旅遊巴車到出到去城鎮~郵輪公司唔建議嘅係大家坐接駁船上咗島，自己再僱用當地人騎驢上山喎，話怕意外呀危險呀嗰啲~如果係你又會點選擇呢？