遊完山梗係要玩水啦~其實當初點解吸引到我要揀去花蓮旅行，就係因為呢個海﹗去台東o個次家姐買o左D旅遊書，通常都係「花東、花東」咁通稱呢個地區~望見靚靚超藍o既太平洋就令我好想親歷其景了~
為o左要趕係關門前參觀，我o地先o黎「七星柴魚博物館」~
呢個博物館入場就免費，入面有展品、短片介紹花蓮海岸o既捕魚業同埋柴魚製作﹗所謂o既柴魚其實並非我o地廣東人煲花生粥o個D柴魚，而係比較似日本o個D「鰹魚節」o羅~柴魚其實就係鰹魚乾，要經過切件、風乾、熟成等等過程，製成品可以用o黎煮湯呀咁~間博物館點賺錢？哈，其實真係幾似去沖繩o個次o既菠蘿園，參觀完之後有個好大o既紀念品店，有勁多o野俾你試食，你jap jap jap之後，自然會買買買啦~我都買o左柴魚、柴魚麵豉、柴魚零食、tee之類o既東東，滿載而歸~ 閱讀全文
瞓醒覺，準備出發咯~今日有豐富o既行程﹗會去太魯閣國家公園同埋七星潭風景區~「望下山，望下海，花蓮旅行…啦啦啦~」睇下民宿老闆為我o地準備o左咩早餐呢？天氣咁好，就出去露台享用呢份早餐啦~
原來係美味o既雞蛋肉鬆青瓜三文治﹗鹹鹹溫熱o既三文治好好味啊~之不過…旁邊o既飲品係…？有一杯係冰茶…另一樽﹗oops﹗係新鮮o既羊奶呀~我未飲過羊奶o架~究竟係俾我o地就咁飲羊奶丫，定係將佢o地變成奶茶呢？﹗唔好理lu，試少少羊奶先…哇，超級大陣羶味丫﹗我o地倒o左少少落去杯凍茶度…都頂得住，諗住唔好浪費，一人一大啖飲埋佢，但我飲過之後都發覺唔係好習慣… 閱讀全文
雖然第一日o黎到花蓮都已經係下晝，但我o地都有行程o既~係民宿安頓好，稍為休息一陣之後，老闆邱先生同老闆娘鳳梨阿姨就車我o地去南濱夜市咯，我o地打算係呢度吃到飽呀﹗花蓮市主要有兩個夜市，分別係呢個位於南濱公園o既南濱夜市同埋另一個自強夜市，呢個近我o地少少嘛，又可以睇下海~
先係大門口影張相先~ 閱讀全文
到達花蓮咯﹗係香港一早就book好民宿，因為係淡季吧，我o地send o左e-mail俾好多間民宿問下有冇房，點知有好多回覆都話有房喎﹗點解呢間向日葵民宿會脫穎而出呢？就係因為老闆娘鳳梨阿姨reply得特別可愛，令人感受到佢o既熱情好客﹗所以就揀o左佢啦~
到火車站，鳳梨阿姨o既老公邱先生早就o黎到接我o地lu，不過唔知點解佢收到o既消息錯誤，佢要去接兩個馬來西亞o黎o既女生？﹗原來應該係兩個香港女生，就係我o地﹗所以花費多o左少少時間先相認~
私家車停o左係個咁o既地方外面？﹗一般o既民居大廈… 閱讀全文
呢幾個月番工都算番得辛苦咯，終於等到期待以久o既旅行﹗其實過去呢年去旅行去得算幾多…不過因為番工時間太長，硬係覺得等好耐等好耐等好耐先到annual咁…anyway，今次我o既目的地係台灣o既花蓮，而我o既伴就係connie喇﹗
台灣對我o黎講唔算陌生，點解又諗到再去呢？話說本身plan去大阪o既，點知臨要買機票時日本爆豬流感，咁咪卻步o羅，o個陣邊度估到香港咁快追得上先得o架~上次去台東時家姐買o左D旅遊書，通常「花東、花東」，花蓮總會包括埋係D旅遊書入面，當時睇到D圖片就已經好吸引我咯~美麗o既太平洋﹗
影第一張相時已經去到台北桃園機場lu~今次主力相機係之前新買o既大SONY HX01﹗D相真係好出色丫~睇落就可以欣賞到了~ 閱讀全文