日本中部之旅  DAY 5  名古屋．香港

係呢幾日日日都咁攰o既情況之下，時間過得特別快，咁快就o黎到最後一日o羅~呢個trip由名古屋(nagoya)做起點，亦係名古屋做終結。其實呢個trip係名古屋玩得唔多，只係第一日去o左行街同埋祭典，係走之前，點都應該去一去名古屋o既landmark—-名古屋城o既~

由酒店去名古屋城都好方便，搭地鐵就去到了~我o地係酒店食過早餐就出發啦，今次試o左紅豆果醬﹗果然幾好味，hee，不過我冇家姐咁「瞇眼」啦~落o左地鐵，開頭以為，一坐咁大o既城，應該一出o黎就見到啦，呀，點解完全冇名古屋城o既影呢？原來舊時o既保衛深嚴，有好闊o既護城河同埋好多樹木圍住﹗所以嘛，冇可能唔俾o個500yen入場費，係外圍完全見唔到呢~

果然好宏偉﹗而且充滿東方風味~之前去印度睇o左好多好多城堡，都好宏偉，但風格上真係完全唔同呢~