繼韓國trip之後，今年o既第二個重點旅行就係十二月o既旅行喇，中間的確都飛過去海南島玩咗三日，但又冇需要請假，又冇prep到行程，感覺同去澳門度個週末差不多，所以今次呢個長trip我特別期待~本來九月考完專業試就好想休息一下了，但同事們係之後嗰幾個月都踴躍攞假，所以我就排到去十二月至有得放~十二月的話去邊度好？同老公商量，佢話想去「唔凍o既地方」，縮窄咗範圍，即是赤道或以下o既南半球啦，南美太遠了，非洲唔係睇動物o既最好季節，澳洲、印度以前又去過，難得長少少假又唔想去東南亞…偶然係「尚書房」隨便揭下時發現可以去斯里蘭卡﹗係旅遊書睇到o既第一印象就係，有好靚o既海﹗好多動物睇﹗又宏偉o既古蹟﹗似乎都好多樣化，好有趣bor~上網再研究一下就愛不釋手了，決定去斯里蘭卡﹗﹗﹗但似乎交通唔係太方便，公共交通好似火車、長途巴士都幾花時間，原來係一個多人一齊去就包車o既地方，所以我即管試下邀請我o既屋企人一齊去呢個trip~難得的爹媽家姐都抽到時間去，不過呢，因為爹爹公務繁忙，姐夫請唔到假家姐唔想出去太耐，佢哋決定去8日，我同day就決定去頭尾11日~好開心呀~繼上次去honeymoon之後未去過長旅行了(註：我其實都好想寫番honeymoon o既blog blog…希望完成呢個之後再補寫番啦，雖然已經過咗1年零2個月~ :p)~好多朋友問我其實斯里蘭卡即是係邊，好多旅遊書都叫斯里蘭卡做「印度洋珍珠」，你見到印度個尖尖，下邊有個島，好似水滴形咁嗰度就係斯里蘭卡了﹗家姐講笑咁話，人哋問我去邊，我比較喜歡答「馬爾代夫對面」，多過「印度下面」…哈哈~ 閱讀全文 →