因為17w0d時照唔到男仔定女仔，未有得開始購物住，day話：「BB呱話等你哋執好地方放我啲嘢，我至俾你知﹗」所以就決心要大－－掃－－除－－﹗過新年都冇咁有決心，heehee～加上呢排鼻敏感好嚴重，可能都用雜物太多有關，而雜物多嘛，要吸塵要清潔都份外困難～之前有考慮過搵家務助理幫手「深層清潔」一下家居，但你未執通啲位人哋都好難同你清潔，冇辦法，第一步都係要靠我哋自己﹗而家做啱啦，遲少少個肚再大啲就仲辛苦了～
大家可能以為呢三張相係「before」⋯其實係「after」﹗:p只怪iphone5個鏡頭唔夠廣角， 閱讀全文
又到咗檢查嘅日子﹗雖然BB呱就日日同我一齊係我肚子裡，但幾個星期冇見過真係好掛住佢呢～每次有機會同佢say hi都好期待啊～血壓、weight gain、小便正常，跟住就可以睇睇BB呱嘅成長啦～
有婦產科同學仔S醫生幫我哋，由頭到腳仲有胎盤胎水臍帶每一部份都睇睇、度度～佢好仔細講埋我哋知睇到啲咩情況點點點呢，所以改呢篇blog名做「baby人體奧秘深度遊」﹗
因為超聲波機只有一個mon，佢好認真郁個probe幫住mon，day就笑咪咪咁、充滿期待咁一齊望住個mon，躺係床嘅我？只好眼巴巴望住佢哋兩個塊面囉﹗S醫生話：「呀，佢張開個口，用手擋住塊面喎⋯」我只恨得牙癢癢⋯就嚟要咆哮啦，我都要望下BB呱啊﹗檢查完畢之後S醫生show番俾我聽佢啲findings，yeah，我都有得睇﹗
我揀咗幾張有代表性嘅俾大家睇啦～有啲返到嚟都⋯唔記得咗添～:p
睇睇size先～真係要讚歎天主造物嘅偉大，點解programming可以咁精確？﹗頭仔同大脾骨嘅size都啱週數，對比起14週時又長咗好多(請參閱：25-10-2014：懷孕扎記14w0d．成長中的小寶貝)，BB呱叻叻～ 閱讀全文
今日見到好耐冇見嘅大佬同事，吱喳一番，講到而家返part-time咁多時間有乜搞，我同佢講起學緊韓文～我好多blog都係「第一次xx」，似乎都應該寫下啲後續，如果唔係就顯得好似有頭威唔知有冇尾陣咁﹗其實由9月11日開學至而家已經學咗兩個月了(大家可以參閱番「有頭威」嘅blog：11-9-2014：韓文班開學咯～)，冇做學生咁耐，原來學習真係好開心﹗特別係自己鍾意嘅東東同埋冇壓力嘅時候～考試測驗默書都唔會驚﹗
我嘅Quiz 1成績係－－滿分﹗heehee～ 閱讀全文
我有鼻敏感就細細個開始嘅事啦，近年最愛Avamys噴鼻劑同埋Telfast-D抗敏收鼻水藥丸，反正之前Staff Clinic都有得拎，只要發病時用就冇有怕﹗不過呢，說來慚愧，咁多年來我實在掌握唔到trigger我發作嘅係乜⋯^^”
有咗BB呱之後一直個鼻都算係咁，早上起身嘅乞嗤都係10個以內，用嘅紙巾都係一張起兩張止，所以完全唔理都冇問題～直至兩星期前⋯乞嗤打極都唔停，鼻水流極都唔停，到咗天黑都仲係咁糟糕都真係好少見～
當然，我知道黃色小丸子－－Piriton－－係孕婦嚟講係最安全啦，一來我都盡量唔想食藥，二來我唔想食完之後迷迷糊糊，所以都冇行動～day見我成日都慘慘樣，佢睇到雜誌有曼秀雷敦嘅新廣告，話不如試下啦～
網頁話不含藥性，原理應該主要係鹽水洗鼻，不過ingredients方面有多幾樣唔知係乜嘅東西喎，而specification只話適合成人及小童長期使用，咁孕婦呢？ 閱讀全文
我大概懷孕8週時，Facebook上面睇到大學時代同我同住五年嘅Helen公佈好消息，原來佢已經有咗baby了﹗當時我嘅心情七上八落、患得患失，即使係咁親嘅Helen我都冇辦法好好恭喜，抱歉地只係click咗個like一下～心裡面知道，我應該打個電話恭喜佢，or at least都send個message或係個FB post度留留言啦，不過當時做唔到呢⋯
直至我都公開得嘅時候，我哋終於聯絡上了﹗所以就約好咗今次嘅約會啦－－只有一個細細肚子嘅16週孕媽媽同埋一個大啲肚子嘅28週孕媽媽﹗ 閱讀全文