20-7-2014：蝴蝶灣炎夏嬉水樂

發佈日期: 作者:
2

七月中嘅炎炎夏日，星期日午後，家姐忽然提議去沙灘﹗反正空閒，坐言起行咯，馬上返屋企換衫出發﹗屯門人講到去沙灘，通常反射動作就係等於去黃金泳灘，早一兩年嘅夏天黃金都超多人，加上報紙講啲沙流失得好犀利，反而細個時成日去燒嘢食嘅蝴蝶灣就話近年水質有改善，我哋早排過開嗰邊踩單車都見到蝴蝶灣靚咗好多，好啦，今日試下去蝴蝶灣啦﹗

消暑第一、運動(少少啦)第二，其實仲有第三個目標，就係試新相機﹗﹗之前帶過去旅行嗰部Sony潛水相機已經壽終正寢，我哋嚟緊去夏威夷旅行嘛，我都想有番部去上山下海都一樣掂嘅防水相機～買相機時見而家啲防水相機冇以前嗰啲咁靚仔，我都有少少失望，兩三千嗰啲仲醜樣啲，而且比較笨重，反正我哋都有部大啲嘅靚相機，呢個不如平平地輕巧啲，外型可愛啲啦(呢個其實幾緊要﹗:p ->又再一次展現我嘅膚淺了⋯)～我哋嗰部係Nikon S5200～大家睇下下面啲相睇下感覺如何啦～

去到第一件事，家姐對於蝴蝶灣最滿意嘅就係有好多泊車位﹗家姐姐夫帶咗個有頂嘅沙灘蓆，我就帶咗張野餐地蓆，二合為一，我哋嘅架步就set好了﹗姐夫prefer係沙灘上休息下，我哋兩姐妹就落下水咯～DSCN0007

落水涼浸浸就喜孜孜了～ 閱讀全文 →

19-7-2014：香港書展2014

發佈日期: 作者:
4

一年一度嘅盛事－－香港書展每年都係七月舉行，年年day都不太情願去，因為佢怕人太多，不過我個好老公最終都會陪我嘅(笑咪咪)，今年出動得嚟有少少急，事關本來諗住今日再去抱石，但呢幾日左邊膝頭蹲下時有少少痛，都係好番晒先再做呢啲high impact嘅運動啦，呢排都係淨係游水穩陣啲﹗所以我就提議去書展喇﹗

我哋係咁多日之中，相信係數一數二人多嘅日子嚟到，預咗會好多人，我哋食個late lunch之後就加入排隊入場嘅隊伍，跟住人潮管制左邊轉轉右邊轉轉，轉到好似行咗成個灣仔一半咁，終於入到場，我諗都真係排咗一個鐘頭以上﹗買飛入場之後都compulsory去行咗相對冇咁受歡迎，位於三樓兩個展館嘅嘅兒童天地同埋宗教書藉先呢，都好丫，輕鬆選購咗day心目中想買嘅東東先～其實我反而冇乜特別target，只係想買啲厚小說嚟緊去旅行時睇，day就一心相買佈道魔術套裝～IMG_4585以上就係我哋今日嘅戰利品喇﹗ 閱讀全文 →

6-7-2014：抱石運動初體驗＠Just Climb

發佈日期: 作者:
10

睇咗上次「1-7-2014：來玩棒球吧@PLAY」blog嘅朋友們都知道我有預告過，同一個星期日我同day會去玩抱石，點解一個星期內有咁多有趣新鮮嘅玩意，一來我哋呢排都好積極運動啦，要擺脫「兩條肥嘢」嘅命運，二來上次去行山晒到燶，炎炎夏日不如都係揀啲室內活動啦﹗呢排興去工廠大廈玩，就由呢個方向search啦～

比起上次嘅棒球，其實更加早search到呢個抱石場，不過要就啱時間參加初學者嘅introduction先得，所以就延遲到星期日至去喇﹗IMG_4499我哋去嘅就係位於新蒲崗太子道東一楝工廠大廈地下嘅Just Climb抱石場﹗ 閱讀全文 →

1-7-2014：來玩棒球吧@PLAY

發佈日期: 作者:
2

啱啱嗰個星期六見我同day一齊放假，我哋呢排又積極運動，所以安排咗去西貢行山(blog blog後補丫)～風景好靚，運動量好大，呢啲好處以外嘅，就係嗰日非常非常非常非常非常非常非常非常非常非常非常之－－－－熱﹗﹗我哋兩個都曬燶咗，而且當時好怕會帶唔夠水飲～行完山兩對腿酸痛咗第三日，又正值公眾假期，我哋決定要再出動了﹗因為怕又好曬又好熱，所以今次活動主力搵搵室內又可以郁動嘅地方﹗我本身好想去攀石，因為時間問題，而家預約好今個星期日去，結果今日嘅活動選擇咗去可以walk in嘅棒球擊球練習場﹗﹗IMG_4454

本來day去呢個練習場都有少少保留， 閱讀全文 →

28-6-2014：美麗香港＠熱辣辣的浪茄灣

發佈日期: 作者:
4

難得有星期六放假，一早約好day一齊去行山，我哋都好耐冇去過行得長啲嘅山，平時星期六、日都好多其他事情，有時得閒又撞正天氣唔好，所以今次叫day搵條長少少嘅路線，佢就揀咗由西貢西灣亭出發，倒轉行麥理浩徑第二段至第一段，跨過西灣山落去浪茄灣，再兜番過萬宜水庫東壩完成﹗想行長少少可以沿住東壩條路出返去北潭涌，但我哋已經熱到攰到郁唔到，結果係東壩上咗的士出番西貢咯～其實出發前我都唔係好知佢講嘅係邊條路線，到咗時描述得仔細啲至知，哦，咪我同爸媽幾年前行過嗰條路倒轉囉，嗰次仲有打過blog添～請參閱：30-10-2006：重陽登高之北潭涌、萬宜水庫、浪茄、西灣亭，原來已經係八年前嘅事呢～

a087c789d533a9515703e31e985121aa

我哋行嘅就係最最最東邊最尾尾嗰截喇﹗ 閱讀全文 →