係Facebook見到大朋友轉載網頁，講係時代廣場有聖家堂，我即刻同day講我哋一定要去睇了﹗正好要回味一下我哋舊年十一月嘅西班牙之行～去西班牙個trip有好多靚靚的東西睇過，好多寶貴嘅文物古蹟，但其中一樣最震憾我哋嘅，莫過於Gaudi嘅多項建築工程了，因為佢真係個天才﹗我哋唔係啲咩建築人美術人，咩建築方法、派系都唔係好識，但可以知道嘅係，入到去佢嘅建築覺得好舒服、好靚，就係咁簡單﹗所以知道係銅鑼灣有佢嘅聖家堂、奎爾公園、米拉之家呢啲我哋去過嘅哋方，梗係要再嚟朝聖一下啦～
嚟到先見到熟悉的， 閱讀全文
難得o既假期，對於一整日o既安排非常滿意呢~一日約好咗之前travelzoo local o既優惠，中午先嚟一個全身按摩+耳燭+facial，全身鬆一鬆，變得明艷照人後，又未到約好朋友打邊爐o既時間，去邊好呢？係尖沙咀雖然可以shopping，可以入戲院睇場戲，甚至去間cafe買杯嘢飲跟住篤篤篤部手機到夠鐘~但我真係難得地記起我哋買咗博物館通行證，一場嚟到尖沙咀，不如逛下museum啦~反正香港藝術館好多時都有啲專題展覽，就去睇下有咩啦~好似好突然咁，但其實我不嬲都鍾意行美術館o架，不過通常都去旅行時先會去行，一下子諗到印象深刻o既有呢兩個：
影咗外觀，冇打咭，感覺去美術館仲要打咭好難為情咁，唔知炫耀自己咩藝術氣息…anyway，決定打呢篇blog因為好想share下今次o既經歷呢~ 閱讀全文
為咗要慶祝老公生日，所以想去個小小trip，正日要留低同長輩一齊慶祝，咁不如提前少少啦～去邊度好呢？兩日一夜⋯澳門近年又好似成日去，返大陸嘛，舟車勞頓都用去唔少時間，話說上次屋企停電挑起條筋話係香港住下酒店(結果停電嗰次返咗去娘家瞓⋯)，今次就留番係香港度下假啦～
我近年已經成為咗agoda.com嘅fans了，都幾user friendly，啲comment都ok中肯，而且有得儲分嘛，book多幾次酒店又有得平好多～我係agoda.com click click click，終於揀咗愉景灣嘅Auberge Discovery Bay Hong Kong住下～又叫做係郊外，享受下悠閒，我睇相見房間都好新好stylish好舒適咁，加上又有靚泳池，就去下啦～大家可以去下佢個網址望下：
http://www.aubergediscoverybay.com/tc
我哋下晝由中環搭船入去，原來往返中環同愉景灣嘅渡輪都幾貴喎，果然愉景灣都係有錢人住嘅地方⋯班次就好頻密嘅，非繁忙時間都keep住有半個鐘一班﹗
http://www.barcaferry.com/timetable/hongkong/route_db_cnt.html
當然啦，而家交通方便咗，都多咗陸路方法去愉景灣了，之前有一次去食晚飯就由欣澳坐巴士入去～渡輪嘛，感覺更加似去旅行﹗落船後睇睇地圖先～嗚嗚⋯早知都係搭車啦，我話行路去，但因為行李有少少重，原來離碼頭都幾遠～行到去時都成身汗＋攰晒啦～
到咗房間先開心晒﹗ 閱讀全文
一刻o既信念…令呢篇blog blog o既標題完全改寫呢…
其實我o地本身呢日係想去海洋公園o架，趕緊係八月底前玩下史前夏水禮同埋去亞洲動物天地探下小熊貓佢o地…但點知…太太太太多人了﹗好得人驚呀~去到海洋公園o既巴士站就馬上打退堂鼓了…
諗過好多alternative，離島？太熱了﹗馬灣o既noah ark？好似行回頭路咁…行博物館？難得咁好天氣~所以最終決定去山頂﹗同day都有好幾年冇一齊去過啦，上一次去可能係我year 1 o個年o既生日…因為我記得o個次影D相我係金色短頭髮的~同爹媽就近少少有去過(19-10-2007：重陽節登山樂)~
去山頂玩就要玩全套，當中梗係包括搭纜車啦~
蠟像館都係好多年冇行過，發覺多o左好多本地名人o既蠟像喎~
比較欣賞o既係栩栩如生o既古sir~
冇蠟像﹗不過呢D公主紗裙係每個女孩子扮公主o既夢想o黎家嘛，那管我已經活過四分之一個世紀…heehee~
royal family~
原來除o左企係D蠟像隔o黎直得筆直咁影相之外，仲可以行入展品之中扮鬼扮馬~
我好鍾意呢張呀﹗傻瓜被摸摸頭﹗「乖~」
哇，威水咯~
怒跳都唔夠姚明唔跳o既高…
行完蠟像館，仲未夠鐘食lunch，不如出埋去觀景台啦~天氣好好好好好呀~
維港兩岸
好在有wide angle
見到我係邊度嗎？
差唔多時間開飯lu~去邊度食好？我o地決定去香港o既第一間阿甘正傳主題餐廳「bubba gump」，專門食蝦o架~其實呢間餐廳我2006年去美國探康熊貓珊珊時都有食過(28-6-2006：我愛水族館)，都係一個唔錯o既experience~
想叫waiter停低為你服務？將個牌掀做「stop forrest stop」，如果唔係呢就係「run forrest run」﹗
我o地叫o左三款食物share~有充滿牛油香o既大蝦appetizer配蒜蓉包包、田園沙律同埋大蝦意大利粉﹗D蝦好爽好新鮮，day好傻瓜咁話：「D蝦多到好似唔駛錢咁？﹗」我話：「hee，你咪俾o左錢o羅~」雖然貴少少，但食物都算一分錢一分貨o既~好在我o地o既份量叫得o岩o岩好﹗本來都想飲下D特飲o架~見隔離枱D人飲得咁過癮，又大大杯喎，但始終唔係好捨得呢…
係大門口個招牌影張相先~仲有souvenir shop添o架~
一下站決定去尖沙咀睇漫畫~
番屯門時正好試搭新o既extension西鐵﹗走在時代o既尖端﹗呵呵~
呢個就係呢排我o地好迷o既nds遊戲「the legend of zelda: phantom hourglass」lu~正呀﹗
難得o既復活節假期只需要call一日，即是仲有三日假期啦，又咁o岩呢個星期六可以同day+佢o既朋友仔一齊去行山喎~唔知點解平時同day出街時時都係我出主意，但佢同教友們出去又會安排得妥貼丫﹗下次都要你全權安排我o地出街街o既活動呀，要坐享其成﹗
今次去o既係「梧桐寨」，以前聽就聽過呢個地方，但就未去過，原來係大霧山郊野公園o既，會睇好多條瀑布﹗我同day約好係元朗食早餐，之後就meet各位一齊搭地架64K去集合地點啦~
點解要post呢張相？因為要影清楚今日day著o既tee，係我o地去cebu時買o既眼鏡猴tee呀﹗
出發地點係梧桐寨村~
初時行o既路係咁平坦o架，不過越行就…越崎嶇﹗
第一個check point﹗按圖索驥，知道見到呢間寺廟就行o岩路了﹗去到萬德苑~不過我o地冇入去參觀呀~
外面有一隻懶洋洋o既狗，令我諗起係印度時周街周地都係狗呀~連醫院範圍內都有好多隻狗呀~o個時印度D狗全部熱到懶洋洋的~
呢度先算係真正o既起點，循例都影影張地圖先~
一次影到晒幾個目的地，冇錯，今次我o地會去四個瀑布，分別係井底瀑、中瀑、主瀑，仲有呢度冇show出o黎o既散髮瀑~
都好多人呀，一行十三人﹗
o黎到第一站o既井底瀑了﹗景色有少少似當年去浮羅交怡o既七仙井[26-12-2006：浮羅交怡全島遊．紅樹林．觀鷹．七仙井．纜車]呢~
day o羅~要我影埋呢D古怪相﹗的確幾棧鬼~hee~
中瀑都幾有氣勢呀，估唔到香港都有咁壯麗o既瀑布呢~
而且D水都好清呀，不過呢D天時玩水暫時都仲係凍o左少少~
之後o既路越行越斜，越行越險呀，雖然而家運動少o左好多，但好在都仲應付得o黎~
o黎到主瀑，我o地停留得比較耐，影下相啦，又野下餐啦~不亦樂乎﹗不過有一段時間唔見o左day…day去o左邊呀？點算呀？原來day同阿橙去o左為大家探路前面有一段路唔知難唔難行，話說之前試過山泥傾瀉，有一小段路壞o左，其實豎起o左個牌叫人唔好行過去o架，但網上睇D人又個個都照行過去喎，咁咪睇下o唔ok o羅~
主瀑呢度個水潭仲有好多魚添呀~
我都要影一張獨照﹗主瀑真係好長，縱使我部相機有廣角鏡，個鏡頭點就都影唔晒~
結果我o地都係決定跨過o個段難行o既路，雖然手腳並用，最後有驚無險地都齊齊整整過到去~因為呢，過唔到去o既話…
…唔單止睇唔到最後o既散髮瀑…
…睇唔到咁遠o既錦田景色…
仲要原路行番落去呢~
睇完四條咁靚、各有特色o既瀑布，係時候落山啦~野o左餐，食o既只係簡單o既乾糧，大家都想落山飽餐一頓咯~
我o地今次行山時沿路都見到航空青年團o既團員，一班小伙子，細細個但著住制服長靴都好型呀﹗又好在有佢o地咋，因為佢o地有好多team，又有walkie-talkie聯絡接收消息，咁先話我o地知原來隔離山頭有山火呀，嚇死人啦，其實都驚驚地，咁樣死法好唔抵家嘛~所以落山時都急急腳急急腳呀﹗落山時先發覺原來我o地已經爬到好高﹗
好不容易落到山腳，我o地搭巴士出番去元朗，搭車時呼呼大睡，大家都累咯~