分類彙整: 美國旅遊blog

25-6-2006：參與崇拜．參觀世貿遺址

發佈日期: 作者:
回覆

DAY 6 @ USA

因 為上晝跟o左六姨番教會，所以下晝先自己出動﹗佢o地個教會係staten island的華人教會，都冇分話係邊個支派，但禮儀上我覺得比較似以前係陳瑞芝咁o羅~因為day教會係信義會，但成個崇拜o既程序都同我o地天主教一 樣家嘛(連感恩祭入面D獻禮經o既內容都大同小異﹗)，特別有親切感~

今日原來係中英文堂聯合崇拜，所以十點半開始(平時中文堂應該係十一點幾~)，但六姨同佢個friend barbara(尋日出現過o個個)都唔知喎，所以我o地遲大到﹗oops﹗

去到已經講緊道啦~因為中英文合堂，所以個崇拜trilingual(廣東話、普通話、英文)，需要o既時間變成三倍呢~

禮 儀完o左之後六姨碰見佢D friend都介紹我俾佢o地識，其中有位女士同個女一齊，個女今年大學升year2喎，六姨話我係hku medic升year4嘛(而事實都係啦，哈哈~)，個女仔好驚訝咁﹗我o地互通姓名之後，佢好唐突咁問我一個問題，你幾多歲？其實冇乜講過幾多句就問都 有少少奇怪，咁我都答o左22啦，跟住佢話：「you look so young!」(<–因為係竹昇，所以講英文﹗)咁我當然心裏hee hee啦﹗

我look so young，好高興啊﹗佢o地今日又係education service，即係特別為high school o既畢業生o既一日，講道都圍繞住佢o地﹗見到好多後生仔，跟住我就發覺，哇，原來阿sam真係好美國﹗

D衣著(例如大熱天時著件polo tee，但入面都要加多一件圓領tee，擺明係為o左靚啦~)、髮型、步態、表情都同佢o地一模一樣﹗

佢o地教會遲D會有隊伍去短宣，要籌募經費，咁就賣珍珠奶茶o黎籌款，US$4一杯﹗我飲o左我人生中o既第二杯珍珠奶茶啦~第一杯係仙跡岩飲，因為飲過唔鍾意，之後就冇再叫過lu，咁今日o黎到咁飲o羅，但竟然幾好味喎~

D珍珠甜甜的﹗又唔係太難咬~改觀了﹗(抑或佢o地整得好飲？)

lunch番去六姨屋企食，之後就出去lu~今日都係坐staten island ferry出去manhattan downtown，但係六姨屋企去碼頭就唔係搭巴士，而係搭火車，咁諗住實好D啦，點知原來火車有17個站，真係oh no~

我o個一刻極度後悔冇帶部mp3機o黎﹗其實都唔係唔方面o既，但時間確實係耐o羅~站又多，所以坐得都幾煩悶(去時好D，因為睇住旅遊書，但番o黎o個程就慘啦~)~

去到downtown都四點幾，都唔去得遠，目的地係世貿遺址，途中都經過o左D地方o既，有trinity church、華爾街(wall street)、stock exchange market…

stock exchange market，好似話平日有得入去參觀o架，我都想去睇下，但星期日就冇啦，睇下之後仲有冇機會去啦~

因為係星期日嘛，所以附近都冷冷清清咁，都係遊客多，仲有D賣紀念品(有o個D成舊水晶膠入面有個自由神像o個D擺設，超平，令我諗起當年o既上海明珠塔 ﹗越行得遠，價錢越平，但個個買到番o黎都會發覺舊o野有D問題，唔係有粒污糟o野，就係個搭歪o左﹗超搞笑﹗)T-shirt o既小攤子~

之後再行o左去世貿遺址~而 家有D高鐵欄圍住個遺址o羅，入面已經變成o左地盤啦，因為第時要起番個紀念公園之類。外面就掛o左一幅幅o既展覽，講番wtc o既歷史(70年代就起好o架啦﹗)，911 o既經過，死難者o既名(佢o個度寫：heros of 911…其實我又諗，係咪死o左o既就係heros呢？可能o個D人生前都唔係特別愛國個咋喎，只係咁唔好彩係呢件事度死o左，或者佢都未必願意為國家而 犧牲？﹗)，將來呢個地點o既plan之類…

行完呢度去o左隔離o既century 21 department store度行，呢度以賣特價o既優質貨品而著名，我都有少少收穫﹗但入面好似個戰場一樣，大家都熱烈地購物﹗

唔…係六姨屋企好似冇係七姨o個度咁free咁添，可能七姨o個邊人少D簡單D啦，咁不嬲又同七姨見得多，傾都傾得埋D啩…

激死我啦，D相整極都整唔到，冇辦法了﹗可能要去到康皓珊度我先再有機會放相係個diary度﹗

24-6-2006：第一次係美國睇世界盃

發佈日期: 作者:
6

DAY 5 @ USA

今日冇得睇相啦~因為一張都冇影過~

一朝早起o左身七姨都係度，因為今日星期六，美國普遍星期六都唔駛番工﹗佢可以悠閒地同我一齊歎下早餐，見到佢已經開o左msn同七姨丈傾下計lu~又食o左蝦米腸、熱奶茶(三朝有係七姨屋企食o既早餐都係腸粉﹗七姨係公司附近買番o黎，我o地朝早叮番o黎食都仲好好味﹗)﹗不斷地吱喳，到成差唔多九點半先上番樓執行李﹗(今晚開始係六姨屋企訓嘛~)我都費事執得靚靚，因為都唔係太多o野，總之塞晒入個喼度就算啦~快快脆脆﹗上o左一陣網，六姨丈就過o左o黎lu~

哇，去到六姨屋企，同佢吱喳o左一陣，就睇世界盃﹗餓o左好多日世界盃啦(係七姨屋企淨係會睇中文台之嘛，呢埋播緊同撈同煲、西廂奇緣同埋御用閒人﹗仲有無線新聞添o架~慢o左一日﹗但都覺得好好睇~佢o地o個度其他中國人仲會租帶睇，D劇仲新過香港﹗)，不知不覺冇睇咁多日，原來已經去到淘汰賽﹗賽事變得越來越精彩﹗我坐埋個電視度已經下半場lu~但上半場o既比數二比零一直到下半場都冇再拉開過呢~德國隊晉身八強啦~yeah~(奇連士文年紀大o左仲有型﹗靜靜坐係度時又似個秀氣o既男人，但又好有熱誠幹勁﹗完場後有播記招呀，原來佢D英文講得好好聽o架喎~)

原本話六姨丈同我出去食少少o野就去new jersey o既science centre，佢網上check過，雖而家science centre做緊維修，但應該都有一半展覽會開放，但去到…oops﹗成個都關門﹗

今日又落大雨喎，咁唯有決定去食完o野番o黎再睇埋第二場世界盃o羅~

六姨丈帶我去一間steak house，D style有D似outback o個種，半酒吧半餐廳，食D bar food，我o地去到時已經兩點半啦，今晚又plan o左去食自助餐，咁我o地兩個人淨係叫o左兩個appetizer，係炸蝦同bbq雞翼(大大份，加味道濃厚，感覺真的好美國人﹗)，有個麵包係送o既 (塗上D打成cream狀o既牛油都幾好味)，六姨丈又叫o左個洋葱湯俾我，哇，個洋葱湯上面鋪上一層之芝士，10個飽，飲完都食唔到幾多o野啦，結果o個兩個appetizer我都只係食o左四份一，另外o個四份三都係六姨丈食的﹗

番去咪睇阿根廷對墨西哥o羅，阿根廷雖然之前話都有D冠軍相，但今日表現真係麻麻地，焦頭爛額仲要加時先入到八強，法定時間下半場都潰不成軍，係加時之前教練醒兩句個隊形先番番o黎﹗恐怕之後對德國都唔易打~

哇，一睇完波就超眼訓﹗(時差o既眼訓時段又到啦，日日都係五六點就好累了~)上去訓o左一覺﹗好鍾意六姨俾我訓o個間房有個天窗﹗我最鍾意就係D房有好多窗，透風、光猛﹗聽朝可能就係天色(恐怕冇陽光了﹗)會叫醒我啦~

夜晚去o左new jersey(new jersey同new york state真係隔離，由staten island去new jersey仲快過去manhattan o個邊﹗)一間餐廳食自助餐，六姨個friend barbara同eddie都有一齊去，呢間自助餐上次六姨六姨丈都有帶過爸媽去o架，超多海鮮、刺身、壽司﹗而且一D都唔吝嗇，壽司有好多款不特只，連 三文魚子都有呀(係香港suppose係貴o野o黎家嘛~)~但壽司又唔可以食太多喎，好容易食飽o左又食唔落第D o野﹗呢個自助餐同香港普遍o既自助餐唔同o既地方係，佢著重D新鮮o既材料、海鮮o羅，而香港o個D多數都係靠精緻o既手工同廚藝，好多時都有好多靚靚 沙律同靚靚甜品，但呢度呢，呢兩方面都唔係好注重~但整體o黎講都好味o既~

今晚冇o架~沖完o左個涼，陣間check埋個e-mail就訓o架啦~聽朝會跟埋六姨番教會，係基督教o既中文教會~唔知會點呢？下晝都係跟住佢o地lu~所以我都未知道行程~

23-6-2006：自由地逛自由神像

發佈日期: 作者:
8

DAY 4 @ USA

話去話去，終於都去o左自由神像+ellis island了﹗因為係manhattan downtown(次次打downtown呢個字都驚會打錯做download，因為實在太順手了﹗)上船，所以搭o左慢巴士去碼頭，再轉staten island ferry o羅~o個架S74真係超級慢﹗搭o左50分鐘﹗幾十個站﹗令我回想起係brisbane o既日子…o個陣o個架185…所以決定回程無論如何都唔會再搭，寧願兜路行遠D~而且咁多個站，我都驚會唔識落車添~

今日o既天氣真係玩死我﹗出門–>天陰–>買自由島+ellis island門票–>開始落雨–>停雨–>決定活動如期進行–>門票剛到手–>落雨–>排隊上船–>變細雨–>去到個島–>變大雨–>越來越大–>入souvenir shop買雨褸–>慢–>俾錢–>買好雨褸–>出到o黎–>停雨–>只著得一陣–>完全冇雨–>出太陽–>激死我啦﹗﹗﹗

如果冇我係入面o既，有更多更多影得更好o既相，但呢張難得：自拍+我+神像+有笑，效果都算唔太差啦~呢張我搭緊船去自由島﹗戴o左頂帽，因為已經落緊雨啦~

到自由島之後都只係四處逛逛，o個度都冇乜o野要特別參觀，因為入去神像裏面要預約，我買飛時已經full晒quota lu~咁只好係外面影下相啦~好好咁搵到一家三口香港人幫我影﹗

見到我著住雨褸嘛？呢件事真係10萬個老土﹗去到個島，雨越落越大，決定買件雨褸，都唔平o架~點知係shop入面排下隊、擾擾攘攘，出來，開膠袋，發覺已經差唔多停雨了﹗係自由神像o個度買到o既雨褸都係自由神像色的﹗

其實自由島o既環境都好靚o架，個公園乾乾淨淨、企企理理咁，都差唔多一點咯，我咪係o個度食埋lunch，再出發去ellis island o羅~

今日o既午餐﹗我以為呢個價錢係有埋souvenir杯o架，原來仲要貴D o個個combo先有~hotdog條腸好好味﹗包薯片勁大包，食極都仲有﹗個小攤子部收銀機o岩o岩壞o左，要俾exact fare，我咪慢慢收銀仔俾佢o羅~

食完就出發去ellis island啦﹗係船上勁開心﹗因為企我隔離係一個墨西哥女人，佢撩我講o野，佢擁有超熱情、典型o既拉丁味道+笑容﹗佢叫veronica，住係chicago，同一班南美(同聲同氣，都一樣講espanol)朋友o黎new york玩，佢知道我由香港o黎超驚訝，覺得係一個遠到無法想像o既地方，知道我識講少少espanol又好興奮，我o地講下英文、講下espanol﹗哇~~~~~~~~~~~~~~~~佢知道我一個人，邀請我一齊行，不過去到ellis island先知道原來佢o地打算直接番去new york city睇世貿遺址，唔留係ellis island呢~呢D真係真真正正o既「萍水相逢」，不知何時再遇啦~同佢傾完計，心情都開朗起o黎，之前up臭口嘛~成朝講過o既o野只有「one hotdog combo」、「one adult, passage only」之類o既溝通說話…

yeah，搵到人幫我影招牌相﹗後面就係超大間、有三層o既museum﹗我行o左超耐呀~比原本諗o既花多o左好多時間呢~

ellis island以前係美國移民o既移民局，所有移民，除o左1st class同2nd class o既有錢人之外，全部都要經過呢一站，睇下合唔合資格，fail o既話就要番去原居地o架啦~個museum就係講解呢段歷史﹗我仲去睇o左45分鐘o既免費紀錄片，都唔錯﹗另外仲有個真人上演o既話劇，不過要US$5，所以我冇睇lu~時間又唔多呢~行下行下個museum都行到五點鐘﹗最尾o個D仲急步行添~

19世紀尾20世紀初，o個陣去美國D移民好慘o架，要坐好逼、環境好差o既大船去美國，要幾個星期咁耐，去到仲可能會俾人reject，因為身體、心智o既問題唔合格…上面o個度係D mental test/intelligence test~

行到五點就坐番船番到manhattan downtown lu~

出番去manhattan downtown，係battery garden(落船即對住o既位置)有三個赤膊紅褲子男係度做show(街頭賣藝)，好落力呢，打下D筋斗，跳過下D人咁，都幾勁，似乎佢o地真係賺到好多錢，做o既時間一半、搞氣氛o既時間一半，一陣已經有好多人俾o左錢(我都放o左US$1，睇o左咁高興都應該俾少少o卦？﹗)﹗

坐地鐵去midtown搭番間express巴士，哇，原來new york地鐵入面完全收唔到手提電話，好恐怖啊﹗七姨一直打俾我都打唔通，嚇死佢了﹗呢一點香港真係優勝得太多了﹗上o左X23，個司機駕駛得好狼死，45分鐘就到﹗七姨比我早上車幾個字，但我番到去只係遲佢少少﹗

計起上o黎都係係七姨屋企食飯lu，聽日就去六姨度﹗七姨o既蒸水蛋真係一流，超滑﹗相o既右上角咪見到有部notebook o既，開o左家嘛~七姨丈都係度﹗我o地同七姨丈、菊姨同婆婆都傾o左陣，肥貓都上o左鏡﹗不過婆婆一用呢D高科技o黎講o野就即刻啞o左，唔識講o野，10搞笑﹗

聽日o既行程都要睇睇去o左六姨o個度點至算~

22-6-2006：怡人的中央公園．重遊自然史博物館

發佈日期: 作者:
7

DAY 3 @ USA

又開始另一日o既旅程﹗諗住八點九出門口，點知熱心o既jennifer都係建議我搭八點五o個班車，於時就好趕咁出門口lu，唔夠時間食早餐﹗

今日o既行程係先去columbus circle，再經過中央公園，去museum of natural history~

咁咪去到midtown先買啦，係街邊買o左donut同咖啡(好抵呀，各US$0.6咋~)，入o左herald garden(鬧市中o既小公園)度食﹗食完就出發搭地鐵去columbus circle啦，七姨同jennifer講到地鐵好惡劣咁，都冇我想像中咁恐怖丫，車站係殘破D，但車廂都算乾乾淨淨，起碼唔會有種周身唔自在o既感覺先啦~

係columbus circle中間o既一個小公園，金色o既雕塑後面就係中央公園啦~

原本諗住即刻入去中央公園o架，點知俾隔離o既一個商場吸o左入去，諗住去一去個洗手間啦，點知地牢係靚靚超級市場，我咪買定lunch入去中央公園食o羅，買o左兩款沙律(自助沙律bar，按重量計)、yogurt(特別之處係，佢叫soy yogurt，不含任何牛奶成分﹗)、同一個蘋果~又健康、又節儉﹗原本都有諗住買三文治o架，但唔知點解全部都超大份﹗買完之後，上樓又見到有間大書店喎，哎吔吔，咁又逛o左好耐啦~買o左一本食譜﹗仲有兩張postcard同一D小禮物~

之後終於出發去中央公園了，我o既目標係要行去湖邊，食之前買好o既lunch，諗住湖邊風景應該靚D嘛~然後隔離就係museum of natural history啦~

係公園裏面望到城市，中央公園真係城市中o既綠洲﹗

我係湖畔食緊lunch了﹗相中就係soy yogurt﹗早知唔要cherry味啦，好似藥水﹗要番D桃或者士多啤梨應該會o岩口味D~

食食下一見到隻靚雀，即刻拎部相機o黎影下先~

食飽飽就行過去museum of natural history，個museum咁大，都要花好多時間o黎行﹗

左邊就係museum o既正大門啦，右邊有架校巴，冇錯﹗有極多幼稚園、小學、中學生o黎參觀﹗不過佢o地大多都係lunch之前走啦~所以都唔算太逼﹗

其實個museum有好多個展區o架，根本就冇可能慢慢睇晒佢，我又買o左睇IMAX電影o既飛，餘下o既時間唯有盡量揀D有興趣o既o黎睇啦~我一入去，睇到個非洲動物展區，見到D動物標本係一個「自然環境」入面，我就記起七年前同爸媽姐o黎過啦~恐怕當時都係睇唔晒，又或者有部份展覽係新開o架啦，部份睇起o黎都好有新鮮感~IMAX都幾好呀，title叫discovering amazing caves，講D探險家深入北極、水底、峽谷o既洞入面，抽取樣本，俾一個microbiologist去研究﹗D景極靚﹗但我又好懷疑，究竟D片點樣拍成o既呢？講到D地方好險要，但又放到個攝影隊入去？﹗

museum總共有5層，最頂樓全部都係講evolution，動物點樣進化，邊D仍然存在o既生物同邊D絕o左種o既生物係近親，然後每一層遞進o既生物究竟有咩分別(例如：四隻腳、有amnion係蛋入面…)~

行完個museum已經極累啦，好辛苦咁先搭地鐵番去5th avenue搭x23番七姨屋企﹗係巴士呼呼大睡，我又自己一個搭，搞到七姨勁驚我唔識落車，個電話又有D問題喎，好在最後都成功落到車﹗番到o黎又即刻上床再次呼呼大睡啦，七姨都話，好多時七姨丈過o黎時都會係呢段時間特眼訓，係irresistable o既眼訓﹗

21-6-2006：自己去玩紐約心臟地帶

發佈日期: 作者:
11

DAY 2 @ USA

今日一早就出發去mid town啦，七姨搵o左佢個friend超nice nice o既jennifer帶我坐express巴士出去manhattan(因為七姨自己番工超早，六點九就出門啦~)，比巴士轉ferry快好多呢，但真係好貴，個case有D似962，但車程更遠、車費更貴、節省o既時間更多﹗

我o既行程再轉、再轉、再轉呢~最初仲係香港時同媽講第一日諗住去自由神像，但後來睇旅遊書見星期三下晝有lion king musical，諗住一早去買特價飛，但因為要跟六姨放工番o黎，有D趕，又改變主意，想去museum of natural history，但最後呢堆o野邊度都冇去，只係mid town度逛~

其實初時都諗住去碰碰運氣，睇下買唔買到特價飛o架，但話就話11am開始賣，點知原來10am已經打晒蛇餅，想睇o既lion king今日又冇特價飛，另一套mamma mia，原價一列US$110，即使半價都仲要US$55，太貴啦，放棄了﹗

決定留係mid town逛，下晝下去museum of natural history，去time square，入去D大趣o既舖頭啦，其中有超級大，三層樓，有室內摩天輪o既玩具反斗城﹗

三層高o既玩具反上城入面，用lego切起o既帝國大廈，同埋同樣用lego切成o既king kong爬o左上去﹗

又有D紀念品店、T-shirt…但唔想咁快花咁多錢住呢~

係時代廣場o個頭o既其中一個角落，想影o既有兩樣o野，左邊o既巨型poster係我想睇o既其中一套musical mamma mia~可惜門票始終太貴，冇睇到呢~中間o既poster係下一個season o既america’s next top model﹗原來係美國三月開始播啦，wednesday 8pm (即係今日呢﹗但我o地出o左去食飯~)﹗唔知幾時香港有得睇呢？美女+fairy tale作主題=冇可能唔靚﹗

後來發覺反正都係mid-town，咁去埋聯合國總部啦~其實都行o左好多條avenue先到﹗成身都係汗﹗中途停低食o左lunch，係火雞胸三文治+意大利海鮮湯，portion好細(但都唔平呢~)，變美女﹗

聯合國總部外面o既雕塑，係一把扭起o左槍嘴o既槍，象徵和平、反戰，仲有一排o既國旗，最典型o既影相位啦~

係裏面參加o左個guided tour，參觀o左好多個會議廳，同埋D國家送俾聯合國o既紀念品﹗tour完o左之後去o左gift shop同郵局﹗我寄o左兩張postcard呀，一張俾day，一張俾爸媽姐﹗好犀利o架，郵票唔係美國郵票，係聯合國郵票﹗(家姐，我想問問呢，其實上次我o地有冇去聯合國總部？D旗好似有D印象，但入面零印象？﹗)下次去第二度再寄俾其他朋友仔﹗

參觀完聯合國總部之後外面有一對jazz band，哇~好好聽呀~好鍾意jazz band﹗而且仲有美女著鮮紅長裙晚裝o黎吹saxphone，加上佢o地o既搖擺，正呀﹗可惜我睇到時已經係表演o既尾聲啦~

出o黎再行o左去中央車站、紐約公共圖書館、行o左三層高o既cd舖、hershey’s朱古力店、macy’s department store(係全世界最大o既department store﹗有9層樓，成個block咁大﹗)…

攝於紐約市立圖書館，其實我都唔係太鍾意呢張，只係呢張係唯一一張有我係入面o既相，有另一個遊客搵我幫佢影嘛，我咪叫番佢幫我影o羅~但，效果呢…一般般啦…呢個圖書館真係離晒譜，都唔似圖書館，反而似個博物館多D﹗

之後就約埋七姨一齊番o黎啦，哇，好難上巴士呢，我o地第三班先上到有位坐，要坐差唔多一個鐘喎，梗係要有位先上啦(另一方面，我係度諗，會唔會等咁耐、企咁耐，早D上車會唔會已經到o左呢？﹗)~

七姨、七姨丈帶o左我去一間餐館食晚飯，咩菜呀？總之係asian菜啦，食o左壽司、刺身、冬蔭公湯、烤豬扒、炸魚、海鮮煎餅、咖喱雞、炒麵、炒芥蘭、沙律、綠茶…實在太豐富了﹗又變成小胖ta啦~除o左我o地、婷婷之外，仲有七姨個friend jennifer同佢兩個小朋友﹗我o地一齊坐七姨(安全)駕駛o既車出去餐館﹗七姨丈聽朝就番香港啦﹗

聽日我一定會去番個museum了﹗再逛一逛中央公園一帶啦~