o黎到印度第二日，為準備聽日開始做clinical attachment，今日o既第一個行程係去探路。係香港時上過網，知道我o地暫時住緊o既Pals Hotel有巴士直接去到做attachment o既KEM hospital，問一問櫃位，ok了，搭67號巴士就得啦~因為冇乜失誤o既關係，連埋等車，大概15分鐘就番到醫院lu~都幾方便丫~如果之後唔搬的話，可以繼續咁樣番醫院~
醫院o既環境同出面o既孟買好唔同啊，出面好烏煙瘴氣，人多、車多、塵多、烏鴉多、烏蠅多(if o個一區係污糟o既話~)，而KEM入面就好寧靜，樹木好多，感覺好舒服~首先搵o左聽日要去報到o既college building，係窗口外面見到有人上緊堂、睇緊mic喎~入到去就見到library o既門口了~office應該冇開門~ 閱讀全文
落機後，過埋關，我o地要換錢啦，要搵車搭番酒店啦~係機場好容易就搵到旅遊書講o既pre-paid taxi，有好多間o架，但我o地都問清楚價錢先~醫院個網話由機場去KEM hospital只需要大約Rs300($60)，所以心裡面都有個譜，最後問到一間每架Rs340都殺了，去到人o地地方，預o左要做水魚，只希望做一條中水魚，唔做大水魚啦~
一出去機場外面，哇，勁多蚊﹗其實過關之後都開始有蚊啦，好在我o地噴好晒蚊怕水先行出去o者~話時話，呢隻蚊怕水真係好有效，D蚊真係唔敢埋身﹗(大學診所o既travel clinic教我o地買含有DEET 30-50% o既蚊怕水，保捷行有售。)
我o地五人分開兩部的士，向酒店進發，原來都幾遠呀~因為時間早，所以睇到鹹蛋黃一樣o既日出﹗平時係香港一來冇咁早起身，二來周圍高樓大廈咁高，個天光晒都見唔到個太陽啦~
司機都唔係好認得路，佢都要停低兩次問人先番到酒店~
的士係油站入油~ 閱讀全文
其實忙執行李忙得不得了，但都想keep住打blog~
約o左印度團隊(「團友」好似好陌生咁…)一齊食lunch，去買蚊怕水(travel clinic話要含DEET 30%-50%先有效﹗好講究o架~)，番HKU拎anti-malarial藥…
搞掂一切，我提議，反正番到o黎HKU，不如去starbucks飲下o野啦，平時都匆匆忙忙~於是我o地坐係外面吱喳o左好耐﹗
發生小插曲，o黎到初夏，好多蚊﹗一坐低outdoor就被圍攻~哈，o岩o岩買o既蚊怕水大派用場，哇，證明o左呢D蚊怕水點解咁貴了，貴得有道理，我o地個個噴晒D腳腳之後，D蚊真係唔圍我o地呀，勁﹗對D蚊怕水o既信心大增﹗ 閱讀全文
又係番屋企o既日子，真係叫人興奮﹗
上晝由金風出發，約o左connie十一點左右去中環打針，去印度前o既打針preparation今日終於到最後一針了~
打針前去歎個早餐先~
其實今日刻意早D出到中環，一方面歎早餐，另一方面都想離開hku o個個範圍~去外面行下~我決定去皇后像廣場度坐，今天氣咁好，又可以去吸收下太陽能了
﹗ 閱讀全文