雖然話去泰國頭尾八日，但其實正式係曼谷係得兩個full day嘅啫，必去景點之中呢，一定要去Children’s Discovery Museum同埋Siam Paragon周邊嘅幾個景點，全亞洲最大水族館啦、Line Village同埋小朋友職業體驗Kidzania，我哋決定第一個full day先去Children’s Discovery Museum~因為趁住星期日，（如果有體力嘅話）可以順道去埋旁邊嘅Chatuchak週末市集丫嘛～

一日嘅開始當然係酒店自助早餐開始先啦~

曉就簡單啲，有麵包有蛋就ok，加上佢又鍾意食沙律菜同埋各種水果，完全唔需要擔心，有芝士就錦上添花喇～問題係個揀飲擇食詩， 閱讀全文 →

的士一直係highway都好暢順，但返到曼谷鬧市範圍就塞得不得了，明明知道轉個彎就到都坐多咗幾個字，好在坐的士唔貴，如果唔係個錶都一跳一驚心~

好不容易到咗酒店，小朋友可以落地即刻非常開心啦~ 閱讀全文 →

因為曉學校暑假放足全個七月同八月，上年N班升K.1暑假我哋都善用呢個六月底七月初去咗韓國旅行(真係唔好意思，個blog只打咗一篇)，希望稍稍避開人潮同埋稍稍平少少，今年都一樣，我哋星期五散學禮星期六就出發啦，利用七一紅日加埋啲星期六、日，爸爸可以請四日放九日，一方面去完旅行番嚟要休養生息一下，二來去泰國唔駛去九日既，所以就定咗星期六到星期六既八日行程~

其實原本諗住呢個假期去日本東北，事緣係fb見到朋友去咗銀山溫泉，靚得不得了，靚到想即刻去，我連旅遊書都買埋~但準備book機票時，日本就爆麻疹，兩個小朋友都未打第二針，冇理由明知有疫情都去嘛，所以趁未買機票就改目的地啦~排除咗最近去過既台灣同韓國，曉已經去過既馬來西亞同埋新加坡，近近地既東南亞地區之中揀咗泰國﹗其中一個重要因素當然係我好掛住泰國既spa啦~

去泰國當然希望住resort同做spa啦，搵行程時發現原來曼谷都有好多親子景點，所以又住下曼谷市區，又去下海邊既度假村~我哋頭兩晚住曼谷，跟住華欣stay三晚，之後再返曼谷兩晚，就完成八日之旅啦~除咗book機票同酒店之外，今次我仲用心良苦咁為曉張羅各種消暑用品，佢由細就特別怕熱，一出熱既戶外就會dur晒，一入冷氣又會醒晒，為免破壞旅行氣氛，我買咗個掛頸風扇同埋一對冰袖俾佢，希望幫到手~

出發前幾日我好唔好彩咁係街市跣親扭到腳，休咗一日病假，之後幾日又食止痛藥又貼膠布又搽藥膏，行路都仲行得勁慢，我都好擔心會影響行程~曉既安慰非常有效：「咁我拖住你行啦~」心都甜晒~行程頭兩三日比較痛要食藥，著波鞋行路就舒服啲，著拖鞋就痛多少少，後尾好啲唔駛食藥添了~

中午飛機，我哋係屋企食完早餐，執好行李都差唔多出門口lu~雖然帶住小朋友要帶多好多嘢，但湊住佢哋根本唔得閒執，執咗落去啲嘢又俾佢哋拎番出嚟，兩隻喼放係地下又阻住行路，而家反而越嚟越遲執行李，結果係執到最後一分鐘囉~

出發﹗ 閱讀全文 →

詩：我今天滿17個月大了！

我好想跳得更高呀，我現在可以跳離地了！尿片的紙箱媽媽沒有丟掉，留了給我們玩，我可以自己跨進去，自己走出來～

我的手仔更靈活，我會把零錢放進錢箱裡面，也會把有小孔的積木套在小柱子上～我會把蠟筆的蓋子通通拔開，弄得亂糟糟～我可以用木顏色筆畫畫畫，畫得很清楚～

我更會表達自己了，有果汁時我說「我要飲呀」、有雪條時我說「我要咬呀」，不想要的東西我也會say no，「唔包（麵包）」、「唔蛋（雞蛋）」、「唔蕃（番茄）」，我知道自己去了大便我會說「屙屎」，我的腿很癢我說「蚊蚊咬呀」～

我也會點唱，「貓貓叫（啟思兒歌）」、「大嗰個（大西瓜）」、「魚魚（啟思兒歌）」、「跑跑跑（讚美之泉新兒童專輯的「無止境」）」、「啦啦啦（讚美之泉的「愛是」）」～我喜歡用家姐學校圖書的點讀筆聽「蘿蔔（小白兔送紅蘿蔔）」，我可以聽同一頁聽很多次，我也懂得轉去聽普通話～

我努力學習數1-10，但很多時候會漏了兩三個數字，但一定不會忘記5和9～

這個月我同爸爸媽媽家姐和大夥兒一起去了郵輪，今年第一次游了水，下一個月家姐放暑假我們會去泰國呢～

我除了原本的8隻牙齒之外，上面左右兩隻大牙開始冒出來了～

游完水各自返到自己既艙房休息、梳洗，但距離約定既午餐時間只有一個鐘頭多啲啲，曉要瞓一覺又好似太少，所以我哋索性冇瞓覺lu~哇，原來有得點播電影呀﹗我哋揀咗之前去戲院睇過既卡通片「Sing」，講既係一班平凡小動物變成舞台歌舞巨星既故事，入面好多好聽既歌，精彩豐富既畫面，搞笑既場面~不過印象中好似冇粵語配音，所以要不停解釋俾曉聽劇情講緊乜，但到唱歌跳舞時就冇晒語言障礙，人人都可以投入喇~一家人窩係張梳化上面一齊睇戲其實都好幸福丫~

夠鐘我哋就去約定既星夢餐廳集合，點知…話成個午市已經full晒﹗﹗吓？等位既機會都唔俾呀？因為缺少船上彼此既聯絡方法，所以唯有派部份人去其他餐廳張羅，部份人留係原位等未到既人，去咗其他餐廳搵位既人有咩消息又要靠一對腳去番原本既地方，搭郵輪搭成咁真係慘~記得之前去海洋神話號嗰次，基本上去到免費餐廳都一定有得食，晚餐分開兩個時段，仲一定會留咗位俾你添~今次想食個飯都有啲狼狽~後來知道原來下一層既星夢餐廳仲有位(點解唔同層既餐廳要改同一個名咁混亂)，但都要等一陣，原先我哋打算去既上面星夢餐廳食中式套餐，而下面星夢餐廳就食自助餐，乜都好啦，有得食就好啦(點解坐郵輪食餐飯都咁可憐？)~

原來食個飯都要睇notice，要避開peak hours先有得食~慘~ 閱讀全文 →