Good morning～

美麗的早晨～

情人節就快到，有咗小朋友，慶祝情人節我哋都唔多去嗰啲好有氣氛嘅西餐廳食lu，有時出去食，就食啲靚靚哋嘅中菜，一係就屋企自己煮～今年啱啱情人節係星期六，就突然有個idea，不如返大陸住一晚慶祝啦，餐廳又冇咁逼人～上次經港珠澳大橋去珠海，又唔似得陸路關口去深圳咁多人，過關輕輕鬆鬆，都唔錯～隨便去Trip.com搵下珠海嘅民宿，就比呢間位於淇澳島嘅廬境山居吸引咗～我哋話去珠海，媽咪問我有咩玩，我答「冇特別嘢玩」，只係想悠悠閑閑輕輕鬆鬆咁渡過一個週末～睇落去啲相，廬境山居被樹木環繞，好似好世外桃源咁，喺個島上面，即係可以去望下海啦，問咗老公ok，好快就落實book咗民宿～

Book好民宿，先醒起詩星期六下晝係芭蕾舞班家長日，即是要展現練習嘅成果比家長們睇，估計最近幾個星期都為咗呢件事練習緊啦，梗係唔可以缺席啦～咁唯有遲少少先出發啦～四點幾五點由屯門出發，市中心搭巴士去港珠澳大橋口岸，過關完全唔使排隊，暢通無阻，好快就去到珠海～

港珠澳大橋日落美景

好在喺西雙版納，call車同深圳一樣咁容易，我哋返酒店check-in放低行李先，再出去搵食～

今次旅程主要住兩個地點，頭三晚住西雙版納熱鬧市區嘅酒店，我揀咗呢間菠蘿度假酒店，第一次search到佢之後已經別無他選，佢首先滿足到我嘅基本需求，一間房入面有四個床位，大家可以瞓得舒舒服服，包早餐，朝早唔使周圍撲搵嘢食～決定性因素，就係有daybed嘅大大露台，同埋全部人可以浸晒落去嘅戶外浴池，訂酒店仲送池畔下午茶、每日雪糕、手作DIY，仲話包車、local tour、旅拍有discount添，酒店仲要唔貴，冇辦法唔book佢啦～

上到房，果然冇令我失望，露台仲望到靚靚夜景添～