離開Kandy附近的Peradeniya植物園，我哋就踏上長征﹗事關下一個目的地係Nuwara Eliya，係高原上面o既小鎮，Kandy大約位於海拔500米，而Nuwara Eliya就去到大約2000米﹗所以嘛，一路o既旅途都係之字形o既登山路~景色開始轉變，由一個個o既小城鎮，慢慢變成一個又一個o既茶園同埋茶工廠~大家對斯里蘭卡可能認識唔多，但「錫蘭紅茶」or「西冷紅茶」就實聽過喇，錫蘭/西冷講o既就係以前叫做呢個地方~

其實呢個茶工廠行程係司機Tiron同我哋加插的，相信我哋係度消費佢都有少少油水乎？我哋去到呢個Glenloch茶工廠參觀、購物、用餐~

先由負責工作人員帶我哋參觀工廠內部~

一個個工序係咩到而家我都唔太記得了，只記得係呢度行過都有清新o既茶葉香~

我哋係度講笑咁話，如果係中國o既茶工廠，去到呢個位就會有啲女工係度用手抄茶了，但呢度就原原本本咁將現代o既生產線展示俾我哋睇~

用篩嚟分類

再由人員監察品質

完成了﹗

聞下先~

我向來心目中紅茶就係紅茶，中國茶就有好多品種好多樣化，原來紅茶即使係用一個茶廠o既出品都有好多唔同o既產品，因為茶葉o既size、發酵時間等等，味道都有所不同，原來有啲適合加奶飲，有啲就適合就咁飲，我哋結果買咗最大路o既BOPF~(oops，撞鬼囉，一search茶廠個網頁，原來我哋買咗呢款唔主張加奶？我仲已經飲咗好多加奶o既添~)

可以參考茶廠網頁：
http://www.glentea.com/

參觀完我哋先食個大露台自助午餐先~

呢度環境好開揚，好通爽，有啲高原o既涼風，即使冇冷氣都好舒服呀~

仲有一望無際o既高原景色~

仲有自選沙律吧~有個櫃位有廚師serve你，你揀要咩菜佢即刻望你切，可以自己揀調味料，靚靚得嚟又好味~出發時我哋話去到斯里蘭卡要避免食啲高危食物，例如生冷嘢，又破戒添~不過呢度咁乾淨應該ok o既，結果都冇咩事~ 🙂

除咗沙律之外，呢個自助餐仲有西式餐湯(久違了)、炒米粉(其實係斯里蘭卡菜式嚟的﹗)、炒雜菜呢啲好咁我口味o既食物~當然主力唔少得咖喱、咖喱同埋咖喱啦~但其他選擇咁多，我相對哋就食少咗咖哩了~

當然唔少得茶工廠出品o既紅茶啦~lovely~

yeah~戰利品﹗諗落都係茶包最方便~待續

前往其他斯里蘭卡旅遊blog