離開希臘，我哋再次返回克羅地亞，船需要行駛一整日先到，所以我哋有全日嘅時間享用郵輪嘅設施~

出動﹗

去食早餐途中發現有相睇﹗

船上有攝影師幫大家影相，鍾意就可以幫佢買，我哋唔買啦~

既然三餐都係船上面食，今日時間唔趕，早餐就去主餐廳度慢慢歎啦~今次有經驗，知道份量要嗌得多少少，如果唔係後來再追加又要等好耐~一嚟到侍應都會問我哋飲咩先，小朋友今日棄常見嘅橙汁、蘋果汁唔飲，話要試下唔知係乜嘅V8，侍應們非常驚訝，order V8嘅唔係要keep fit嘅媽媽，居然係兩個小女孩？

試味

蔬菜汁之嘛，梗係鍾意飲啦~

水果platter

granola乳酪杯

香蕉pancake

Benedict

經典美式

只有曉會order方包~

返一返房，兩個用衣櫃嚟玩回音？咁搞笑嘅~

食完早餐我哋去期待已經嘅攀石，因為有做gym，之前同小朋友去Just Climb玩過抱石，毫無預警之下自己嘅表現比多年前忽然勁咗好多，2010年去郵輪時攀過石，嗰次好不濟地要人扯上去先勉強唔駛放棄，後來結咗婚未生曉之前去過一次新蒲崗Just Climb，爬完最簡單路線之後就挑戰唔到其他，但老咗好多年之後再去屯門Just Climb，居然好快速咁連續爬咗好多條路線，連教練都問我平時做開咩運動，我可以好自豪咁答有去做gym~

著好裝備

ready

今次去郵輪再爬都對自己有啲期望，希望可以好型咁爬上去，點知…

好似好型咁~

原來俾大人爬嗰條路線係微微向外斜，即是要抵抗少少地心吸力，即刻難好多丫﹗上唔到最頂，唔夠力，實在太可惜了~大家都總算試過晒啦~

爸爸都試下

好唔好玩呀？

前往其他郵輪旅遊blog

決定好行程後，我去Klook買定水上樂園入場門券，有得揀只入水上樂園或加埋自助餐券，自助餐？梗係想食啦，就咁入場每人$300+，食埋自助晚餐要$900+，突然間個trip貴咗好多，有少少肉赤，明明係輕鬆簡單短trip嘛，諗完一輪決定食啦，發現如果單買餐券已經full咗，一定要跟水上樂園門券買先仲有，好似好矜貴咁，中咗佢嘅銷售策略…anyway，去埋食自助餐都係令人值得期待嘅~

水上樂園12點先開門，我哋係華人冰室食完個早嘅午餐就入場啦，嘟Klook QR code換手帶，可以全日無限進出，不過玩完濕淋淋，我哋都冇又入又出了~

手帶ready

今個短trip最主要去澳門新濠影滙個水上樂園，水上樂園中午12點先開門，本來可以晏少少出發，唔使咁急～不過我哋個個慣咗早起，所以揀咗早上8:30-9:00送早餐上房～

確實唔需要個鬧鐘，七點左右曉已經起咗身，隨即叫埋我，爸同詩仲瞓緊，就由得佢哋瞓晏啲啦～我同曉，連同插蘇仔、耳塞仔一齊玩鋤大D（即是我哋每人各負責兩副牌），玩咗冇幾多鋪，大家都陸續起身啦～

曉幫我同爸畫嘅掃描，bru bru bru～

聖誕去完雲南，之後一直未特別渴望去旅行，上一個短trip去珠海淇澳島都只係代替情人節晚飯嘅小小渡假啫～大家復活節請3放10買機票去旅行之際，我又冇乜咩plan～放咁多日假都係要去玩下先似樣嘅，開頭有諗過去camp或者露營，康文署camp遲遲未book，結果就full晒啦，政府露營地點怕冇位，私人場地又貴～唔知點解忽然又諗起可以去澳門個室內水上樂園，雖然港珠澳大橋係幾方便，但即日來回都係太頻撲，提早出發，瞓一晚，第二朝就可以精力充沛去玩水啦～

澳門酒店價錢大約係珠海3-4倍，我揀咗拱北口岸正正旁邊嘅L酒店，一來近過關，二來有兩張雙人床嘅房～

星期日下午，兩個女上完游泳班，就直接搭機場巴士去港珠澳大橋口岸過關~

一月去珠海御溫泉，二月去珠海淇澳島，兩次經驗過關都好順利，今次都唔例外，完全唔駛排隊，好快就去到珠海啦～上次係的士站搭的士，今次試下call滴滴，上車位置原來遠少少，而且車太多，大家又心急，即使停車系統已經好efficient，但都有少少混亂，嗰個位置比較焗，大概又冇限制人食煙，總之等咗一陣車，呼吸住廢氣，喉嚨都有少少唔舒服～