係酒店辦好入住手續時已經晚上七點幾，大家各自返上房settle down，就要盡快再出動了，食完個飛機餐，已經好多個鐘冇嘢落肚lu，大家都肚餓啦～我嘅計劃係，由酒店步行出去外灘欣賞夜景，途中見到有咩食就食咩啦，明明同南京路只係差幾個街口，點解北京東路咁靜英英嘅？行咗幾個block都唔多見食肆，好在終於遇到呢間花園餐廳～
隨便入去幫襯嘅花園餐廳，又唔錯bor～我哋10個人，迫少少，坐張大長枱，啱啱坐得落唔使分開～太肚餓了，隨便點着十樣八樣嘢食住先啦～等緊嘢食嚟時，我哋欣賞一下呢個「花園」，餐廳裏面有好多植物，有真有假，真真假假唔容易分辨～
當時太肚餓，已經顧唔到「相機食先」，冇逐樣影每碟餸呀～
閱讀全文農曆新年過後，大姑奶Lily Whatsapp我，問問我哋聖誕假有冇咩計劃，約我哋一齊去旅行～梗係好啦！！yeah～四個小朋友就讀三間唔同嘅學校，放假日期唔同，就埋大人請假安排，敲定17/4至21/4一齊去玩五日四夜～五日嘅話，我只接受到飛行距離3小時或以下，飛得再遠啲，要去耐啲先得～睇過亞洲嘅各個目的地，再配合出發、抵埗、返港時間，仲有價錢、成大棚人有老有嫰一齊去，綜合所有條件之下，我哋決定去上海，其中重點項目為上海迪士尼樂園~
買好機票之後就要plan行程同book酒店啦~除咗我同day之外，大多數人都係第一次去上海，所以今次主攻大路景點+迪士尼，我對上一次去上海已經係2010年嘅上海世博lu~嗰陣當然未有上海迪士尼啦，原來迪士尼距離上海最旺嘅地方勁遠﹗﹗如果去迪士尼嗰日由舊城往返，交通上會搞到好疲累，我決定四晚分開兩個地點住，頭兩晚住南京路附近，後兩晚住迪士尼附近，而迪士尼比較近浦東機場，走嗰日就冇咁遠了~
揀酒店都唔容易，南京路附近地段太貴，酒店美圖手段太高招，好怕被「照騙」，見有啲價格較相宜嘅酒店，睇相好似好靚咁，但睇comment就好似差好多，搞到我冇乜信心，最後揀咗「有背景」—-聽過嘅大集團錦江集團，旗下嘅白玉蘭酒店，白玉蘭全國都好多分店，連鎖酒店應該差極有個譜啩？我哋自己四個就好好醜醜冇乜所謂，但帶埋咁多人一齊去，希望唔好出咩大問題啦~迪士尼附近就容易好多，地平，房價自然平好多，選擇亦多好多，我揀咗君瀾度假酒店，有免費接送去迪士尼、機場、地鐵站，包早餐，酒店自己有遊戲室、兒童遊樂場，房型選擇應有盡有，應該會唔錯，就決定好了~迪士尼周邊其實有好多「睇落唔錯」嘅民宿，都係下次得我哋四個時先再去試下，咁多人唔好冒險了~
我哋搭中午機，約咗大家11:15去到機場check in，再一齊食午餐~最近忙得太犀利，我哋出發嗰朝先正式執行李，好在上次去歐洲大project時怕帶漏嘢專登整咗個執行李清單，之後每次去短旅行時都可以參考，唔怕帶漏嘢了~
今次搭中國東方航空，買機票時已劃好位，今次唔係再搭廉航，行李額大人細路都有每人23kg，只係去五日，仲要係夏天衫，基本上同無限行李額冇分別﹗而且，有(正常)飛機餐食呀﹗不過冇提早網上check in，排隊辧手續係排得耐咗少少，好在預時間夠多~
第一次過香港關連小朋友都可以行自助通道，原來大人連證件都唔駛拎出嚟，勁方便(得有點恐怖)~
復活節長假期，機場有兔仔同大家影相~
閱讀全文2024
日本．26-12-2024~31-12-2024．熊本、菊池、天草
26-12-2024：熊本慢活遊day 1(part 1)．久違了的日本旅行
26-12-2024：熊本慢活遊day 1(part 2)．熊本站Amu Plaza吃吃看看買買
27-12-2024：熊本慢活遊day 2(part 1)．幸會熊本城、順道遊加藤神社、櫻花馬場城彩苑
27-12-2024：熊本慢活遊day 2(part 2)．笑咪咪鰻魚飯、熊本城湧湧座好玩博物館、54個站的巴士大長征往菊池溫泉
27-12-2024：熊本慢活遊day 2(part 3)．菊池溫泉宝來館
28-12-2024：熊本慢活遊day 3(part 1)．菊池公園的冬日紅葉、寧靜的菊池市散步
28-12-2024：熊本慢活遊day 3(part 2)．避寒和菓子店古能美、玩轉夢空間懷舊商場、長崎雜錦麵快餐店
28-12-2024：熊本慢活遊day 3(part 3)．菊池溫泉宝來館悠閒時光
29-12-2024：熊本慢活遊day 4(part 1)．再見宝來館、登上A-TRAIN觀光列車往天草去
29-12-2024：熊本慢活遊day 4(part 2)．浪漫A-TRAIN觀光列車、大風大浪抵天草Sea Cruise Glamping營地
29-12-2024：熊本慢活遊day 4(part 3)．天草Sea Cruise Glamping
30-12-2024：熊本慢活遊day 5(part 1)．零距離天草觀賞海豚
30-12-2024：熊本慢活遊day 5(part 2)．天草L’isola Terrace度假風午餐、好好玩海中水族館Sea Donut
30-12-2024：熊本慢活遊day 5(part 3)．回到熊本、舒適的The Blossom酒店、時尚大浴場
31-12-2024：熊本慢活遊day 6(part 1)．水前寺成趣園悠閒散步
31-12-2024：熊本慢活遊day 6(part 2)．再見，熊本﹗
2016
日本．28-8-2016~4-9-2016．札幌、小樽、登別、富良野、旭川、美瑛
(稍後補回連結)
2010
日本．15-5-2010~19-5-2010．東京、埼玉、秩父、川越、長瀞
(稍後補回連結)
2009
日本．24-11-2009~28-11-2009．大阪、白浜
(稍後補回連結)
2008
日本．5-6-2008~9-6-2008．中部、名古屋、白川鄉、金澤、高山
(稍後補回連結)
2007
日本．16-8-2007~19-8-2007．沖繩、那霸、名護
(稍後補回連結)
返到去熊本站，時間都唔係好多，我哋要快快脆脆食埋午餐，拎返啲行李，就要趕過去機場，搭下晝四點幾嘅班機返香港～
嚟咗日本咁多日都未食過壽司，Amu Plaza有一間迴轉壽司店，我哋即管去睇下會唔會咁啱唔使排隊呢？當然冇咁容易啦，間舖頭預計大約等20分鐘，20分鐘都係太耐啦，結果我哋去咗一間即刻有位嘅鐵板燒店食午餐～
同平時一樣，叫三人份share嚟食，間舖頭用手機下單，個英文menu怪怪地，要配合埋日文啲漢字先可以確保唔會嗌咗啲怪嘢（I mean內臟嗰啲），三份餐之中，其中一份叫咗貴啲嘅靚肉，不過送到嚟都唔係好識分，應該係肥啲、油脂重啲嗰份就係貴嗰份啩？
閱讀全文
